O concello de Chantada acolle a exposición fotográfica “Auga. O sangue da terra” de Manuel Valcárcel. Un percorrido pola relación de ser humano coa auga con fotografías dos cinco continentes, de Lugo a Nova Zelanda. 

Presentación no Teatro Jofre de Ferrol da fotobiografía sonora “Carvalho Calero sen fronteiras”, unha publicación multimedia de Arraianos Producións.

Dirixida por Aser Álvarez e con banda sonora orixinal de Moisés Quintás. 

A nova exposición de ABANCA e Afundación en Agalería. A sala de exposicións virtual de ABANCA, dá conta da exposición “Mirar de novo. A muller contra o tempo”, que conta cun exhaustivo catálogo e un texto analítico da experta Mónica Maneiro, coa que falamos hoxe. 

Pódese ver ata o vindeiro 28 de marzo. 

María Oruña publica a través de Editorial Aira a tradución ao galego de O Souto dos catro ventos, baseado nun crime en Santo Estevo de Ribas de Sil. 

Precisamente alí confirmouse esta semana o achádego de catro dos nove aneis dos bispos de Santo Estevo, unhas reliquias que poderían ser os famosos aneis milagreiros desaparecidos durante séculos, e que María trata na súa novela.