A ilustradora e autora Blanca Millán preséntanos os seus dous últimos libros: O gran libro dos nosos montes, acabado de publicar,  e O gran libro da nosa horta, finalista na categoría de mellor libro infantil nos premios Follas Novas. Dous álbums ilustrados divulgativos publicados por Cumio para reconectar a rapazada e as familias coa natureza e cos ciclos estacionais. 

Conversamos co músico e etnógrafo Felipe Rea, que investigou en profundidade o compositor Francisco Landín Pazos. Nado en Marín en 1910, Landín Pazos foi autor de obras musicais de moitos xéneros, impulsor da gaita como instrumento de primeira orde e creador da primeira banda de gaitas de rapaces.