Diario Cultural Onda Vital. Tódolos domingos de 14:15 a 15h, con Xiana Arias.
Ritmos e poesía os domingos ao mediodía!
O lume e non as cinsas 2: Faia Díaz e o Dedín Dedín.
Laura Lamontagne e Pico Amperio en directo con Ondas do mar de Vigo e Vou pola costa vella. Unha revisión do repertorio medieval e das cantigas de transmisión oral.
Crónica, en notas de voz, da xira de presentación do novo disco de Agoraphobia polo Reino Unido.
Noel Feáns e Efi Arias preparan novo proxecto. Falamos dos dez anos de ‘Alfaias’ de Fanny e Alexander.
Na lembranza tamén a revista dixital Sonotone, o selo A Regueifa Plataforma ou os ‘machucos’ do Extrarradio nunha conversa con Noel Feáns na que tamén escoitamos a Belén Regueira ou Estíbaliz Espinosa.
O programa especial Onda Vital do Diario Cultural emite dende o Mercado de Abastos, de Santiago de Compostela. Alí ten lugar o Festival Internacional Curtocircuíto. As curtametraxes son as protagonistas, pero é un evento interdisciplinar. Tamén é un festival de cultura audiovisual e sonora.
Arredor de 130 filmes chegan ao Festival Internacional Curtocircuíto. Actuacións e concertos que crean un universo cultural único en Galicia. Así comezamos este programa especial do Diario Cultural.
O mundo dos vivos, un recital de Samuel Solleiro.
O músico, tradutor e escritor acaba de publicar poemario en Chán da Pólvora editora. Escoitamos catro dos textos coas bandas sonoras escollidas polo autor.
Coñecemos á dj Paula Docampo que estes días estará no Canteira Fest en Vilaboa ou no Barbeira en Baiona. Convidámola a picar no ‘Venham mais cinco’ e nas súas escollas Malandrómeda, Sés, Baiuca, Espiño e Terbutalina.
Recital de Olalla Liñares. Coñecemos a voz poética desta mestra, xornalista e música en bandas coma Oîma ou Lagháchema.