Hoxe temos un programa moi mediterráneo. Comezamos coa poesía do máis grande poeta helénico, Konstandinos Kavafis, porque se acaba de publicar unha tradución da súa poesía completa. Falamos co tradutor, Miguel Angel Areses Martín.
E despois, continuamos navegando polo mediterraneo, de Alexandría a Italia, porque o noso colaborador Luis Miguel Crespo falaranos da obra de Giuseppe Verdi, o gran compositor da reunificación italiana.
Sheila Patricia presenta novo disco, ‘Orixe’. Un deses traballos feitos a lume manso, e no que a tradición, a orixe de todo, está moi presente. 5 anos de traballo para un disco producido entre Galicia e Arxentina e que soa a todas esas tradicións musicais, pero ao mesmo tempo está cargado de actualidade, de sons electrónicos e vangardistas.
Estamos de estrea! Onte escoitabamos a Sheila Patricia interpretando o himno galego na entrega das medallas do Parlamento, e hoxe témola aquí. Está presentando un novo disco, ‘Orixe’, que sae mañá. Un deses discos feitos a lume manso, e no que a tradición, a orixe de todo, está moi presente.
E despois, as estreas da carteleira para esta semana, como cada xoves, con Begoña Vázquez de Sala 5.