Hoxe imos mirar á historia de Galicia desde unha perspectiva ben diferente: a da moda. Para iso, conversaremos co xornalista Fernando Franco, que é quen fai este estudo, ‘ 40 anos da moda en Galicia’ para a editorial Guiverny.

E despois Armando Requeixo dará conta dunha novidade editorial en Galaxia, que é a tradución de todo un clásico como ‘Dublineses’, o libro de relatos de James Joyce.

Hoxe estaremos coñecendo mellor a vila de Verín grazas ao novo libro de Xosé Carlos Caneiro, ‘Verín de Verín’, que ten como protagonistas á veciñanza e amizades, e descubriremos por que Verín é un lugar tan peculiar.

Pero non quedan aí as viaxes de hoxe, porque remataremos con poesía, con Alba Cid, que nos vai transportar directamente a Ítaca coa obra de Konstandinos Kavafis, que chega ao galego nunha nova tradución.