Hoxe queremos coñecer o novo videoxogo de Aruma, que é un estudio de videoxogos indie da Coruña. O xogo en cuestión chámase Intruder in Antiquonia, e é maís sinxelo de xogar que de pronunciar. Non ten dinámicas nada complicadas. E precisamente niso, na súa sinxeleza e na súa historia, recae todo o seu encanto. Imos falar cos creadores, para que nos conten máis desta historia e de como se fai un videoxogo.

E despois, a outro lugar idóneo para a imaxinación, como é o teatro, con Roberto Pascual.

Hoxe imos relatar unha auténtica aventura, real, que protagonizou un galego en 1961. Falamos de Xosé Velo, e do momento no que secuestrou un barco en Venezuela, para que a comunidade internacional reparase na ditadura de Franco en España e na de Salazar en Portugal. Foi en xaneiro do 61, e tamén en xaneiro, pero en 1972, falecía no exilio no Brasil. Por iso estará aquí Aser Álvarez de Arraianos Producións para comentarnos sobre o documental que están a preparar arredor da súa historia.

E despois, poesía, con Alba Cid, que hoxe nos trae o premio de Poesía Eusebio Lorenzo Baleirón, que recaeu no poemario ‘Urda’ de quico.

Hoxe imos coñecer unha nova asociación de autoras e autores de comic, a APCOMIC, que vén de presentarse ao público e que xa conta cun cento de profesionais asociados. Buscan a unión de todos os profesionais para loitar por unhas condicións dignas e saír da precariedade. Na directiva están os galegos David Rubín e Manel Cráneo, e hoxe falaremos con Cráneo, autor e editor.

E despois, tempo de cine con Begoña Vázquez, a compañeira de Sala 5 que está de volta coas mellores estreas.