A compañía galega viaxa ó gran teatro Maria Guerreiro para presentar “N.E.V.E.R.M.O.R.E“, unha aproximación á memoria da catástrofe do Prestige, que estrean hoxe na capital do estado e que traerán a Galicia cara ao 22 de outubro.

Esta tarde preséntase no Teatro Principal de Pontevedra o documental ‘Acorda’, unha iniciativa do departamento de Memoria Histórica da Deputación de Pontevedra. Un traballo que percorre os lugares da memoria esquecida da provincia e os fai revivir a través das voces de Uxía, Eladio Santos, Tanxugueiras, Emilio Rúa e máis.

Falamos con César Portela, que vén de ser galardoado polo Colexio Oficial de Arquitectos de Galicia co premio á súa traxectoria, unha traxectoria chea de proxectos exitosos a unhas e outra beiras do Atlántico, do Pacífico, do Caribe e do Mediterráneo.

Na Rúa Tabernas 11, na que foi residencia de Emilia Pardo Bazán e hoxe acolle a Real Academia Galega, presentouse ‘A educación do home e da muller e outros escritos feministas’. Un volume que reivindica á Pardo Bazán máis progresista.

Falamos con Marilar Aleixandre, encargada da edición dos textos, e tamén con Mariana Carballal e Larraitz Urruzola, sobre a dramatización dos mesmos que fan en ‘Oh! A Vida Contemporánea’.