Xiana Lastra, presidenta da Asociación Músicas ao vivo, explícanos os cambios que introducen este ano os galardóns da música galega. 

Hai un Vigo cultural, un Vigo que fai fronte ao fascismo, un Vigo obreiro e sindical… e todas esas facetas están en ‘Marxes. Guía Ilustrada do Vigo Rebelde’, un libro de Xurxo Martínez e David Rodríguez para a editorial Xerais. 

Acompañamos ao autor a camiñar por ese Vigo rebelde. 

Guiado polo faro de Muxía viviu e pintou o artista Gervasio Sar. Recentemente falecido, a asociación que leva o seu nome quixo rederlle homenaxe cunha exposición retrospectiva da súa obra na sala A Camposa de Muxía. “O diván de Freud no faro da fin do Camiño” poderá verse ata o 30 de setembro nesta vila da Costa da Morte. 

No Diario Cultural falamos con Antón Castro, comisario da exposición: “Gervasio retratou Muxía, o mar e a súa xente a toda cor. Muxianizou o pop art”.

A poesía tomas as rúas e prazas de Compostela co ciclo ‘Poemas no estío’, comisariado por Antía Otero, cada mércores ás 20h no marco do Festival C. Diálogos poéticos coa música e as artes, e diálogos entre poetas, como o desta tarde, protagonizado por Luz Pichel e Elvira Ribeiro. 

Circo, música, narración oral e compromiso social do que falamos con Nacho Fungueiriño, coordinador do festival.