As praias, a comida e o viño poden ser grandes atractivos, pero están lonxe de ser o único que unha vila como Cambados pode ofertar. Achegámonos ó Pazo Torrado, que estrea a exposición “Camiño longo” do artista Jose Luis Álvarez Seara, para falar co Técnico de Cultura do Concello de Cambados, José Vaamonde, e máis co propio pintor.
Folleamos a edición facsímil de “Maxina ou a filla espúrea” (Galaxia), da que falamos co seu responsable, Xesús Domínguez Dono, e máis con Xosé Antonio Fernández Salgado, que asina o prólogo. Ademais, conectamos con Vituco Neira, que nos ensina dende Cambados o Pazo Torrado, que estrea a exposición “Camiño longo” do artista Jose Luis Álvarez Seara.
Os esgrafados que podemos atopar polas paredes da Ribeira Sacra son obras de arte cheas de simbolismo. Agora podemos atopalos todos e coñecelos mellor grazas ao libro da antropóloga Mar López.
Esgrafados da Ribeira Sacra. Alba Cid e o regreso do grupo Rompente.
Os de Torroso fan xa 20 anos de música que non distingue de idades, fronteiras ou sexos e que non deixa de “dar zapatilla”, enchendo salas, festivais e até as vías públicas, cos seus particulares pasarrúas turresbanianos.
Movémonos ó son de The Turre’s Band, 20 anos despois do seu nacemento na parroquia de Torroso e, afirman, “con moita zapatilla por dar”. Escoitamos as súas palabras e, como non, a súa música. Finalmente, conectamos coa nosa colaboradora experta do audiovisual, que nos fala dende Cannes, como non podía ser doutro xeito, para describirnos a atmosfera do festival.
Conectamos con Vituco Neira, dende Ribadavia, para falar co dramaturgo Roberto Pascual para conversar sobre as obras das múltiplas compañías que actuarán nos vindeiros días na ribeira do río Avia.
Achegámonos á Pobra do Brollón, onde terá lugar, mañá sábado 7, o II Festival Científico de DivulgAcción, para falar con Xurxo Ayán, investigador da Universidade de Lisboa, membro da Asociación Galega de Comunicación de Cultura Científica e Tecnolóxica que organiza o evento. Viaxamos tamén a Ribadavia, onde Vituco Neira falará con Roberto Pascual sobre a Mostra Internacional de Teatro que inicia hoxe alí.
Comeza a 5ª edición do festival 17º Ribeira Sacra e no Diario Cultural falamos co seu director.
‘A poesía era a-quilo’, un ciclo de poesía entre o peixe, a verdura e o pan da Praza de Abastos do Carballiño neste mes de xullo.