‘A casa da Troia’, a novela de Alejandro Pérez Lugín, é unha referencia da vida universitaria na cidade de Compostela. Escrita orixinalmente en castelán, agora poderemos lela por primeira vez en galego coa tradución de Mercedes Pacheco. Os lectores máis internacionais contarán tamén coa tradución ao italiano e danés. 

Sara Donoso presenta esta nova proposta da Fundación Luis Seoane. ‘O nunca visto’ da arte galega son eses proxectos que quedaron na mente dos seus artistas, pero que merecen ser sacados á luz.

Ese patrimonio oculto da arte contemporánea galega, que comezamos a coñecer este xoves coa artista Mónica Mura. 

Agustín Bastón presenta unha nova edición da súa ‘Biblioteca das madeiras do mundo’, libros feitos con madeira inusuais de todo o planeta. Unha colección que medra ano a ano.