No bar Macondo de Cee naceu en 1996 o Batallón Literario da Costa da Morte. Os seus fundadores foron Miro Villar, Federico L. Santalla, Rafa Villar, Xandra Tedín, Modesto Fraga, Xabier Rodrígues Fidalgo e Estevo Creus. 

Os seus recitais polos diversos concellos da Costa da Morte lograron levar a poesía á rúa, con protagonismo para o mar e a súa forma de vida. 

Este 2021 cumpren 25 anos de historia, e no ‘Diario Cultural’ celebrámolo con Modesto Fraga.

Emilia Pardo Bazán non deixa de sorprender no centenario do seu pasamento. Foi a primeira muller en escribir un thriller policiaco, ao adiantárselle 10 anos a Agatha Christie. Despois de ‘La gota de sangre’, Ézaro Edicións publica ‘El misterio de Selva’, a segunda parte das aventuras do seu detective particular Ignacio Selva.

O catedrático de Literatura Comparada da UDC, Xosé Mª Paz Gago é o editor e prologuista desta obra. 

Podemos dicir que Pardo Bazán, tan adiantada ao seu tempo, é o eslabón perdido entre Conan Doyle e Agatha Christie

Os músicos Xosé Manuel Budiño e Pablo Novoa unen forzas e instrumentos nun novo proxecto musical: Budiño&Novoa

Chega á cidade de NYC a 5ª edición do Festival Internacional Kerouac de Poesía e Performance, con orixe en Vigo. A ilustraqdora do cartel é Vanesa Álvarez, viguesa residente en Brooklyn, que ademais foi unha das 25 seleccionadas para pintar un mural nun hospital da cidade americana.