O complexo turístico de Albeida, na Serra de Outes, obra dos arquitectos Alfonso Salgado e Francisco Liñares, é Premio de Arquitectura 2020. Un recoñecemento outorgado polo Consello Superior dos Colexios de Arquitectos de España. O seu principal valor é a sostenibilidade e o respecto polo entorno. 

Nace en Compostela a revista dixital “Mujer Art Magazine”, que ten como base ás mulleres, a arte e a historia. Está dispoñible de forma gratuita na súa páxina web. 

A produtora galega Chelo Loureiro entra na carreira polos Oscar e os Goya coa cortometraxe ‘Carne’, da directora Camila Kater. Ademais, está preparando a súa primeira película como directora. 

Xosé Manuel Pazos Varela, alcalde de Cangas, morreu este 25 de xaneiro. Dramaturgo e gran impulsor do teatro da súa vila. Recordamos a súa figura no Diario Cultural. 

Raul Gómez Pato traduce ao galego, a través da editorial Rinoceronte as ‘Historias I e II’ de Herodoto, o historiador grego. 

As ‘Historias’ de Heródoto constitúen a primeira organización intencionadamente racional e con ánimo de perdurar no tempo dunha obra histórica, para evitar que as grandes fazañas humanas queden relegadas ao esquecemento.

A Agrupación Musical Ancestros presenta o novo videocli: ‘Nana dos Soños’.