O escritor Rafael Lema presenta o seu novo libro: ‘Camiño dos faros, lendas da Costa da Morte’, no que repasa as mellores historias que podemos atopar entre as rochas e o mar nesta ruta. 

Arranca no Pazo da Cultura de Pontevedra a 13ª edición do Culturgal, baixo o lema “En caso de emerxencia, cultural”. A programación poderá seguirse de maneira presencia e telemática, do 27 ao 29 de novembro. A CRTVG emitirá a través da páxina web algúns dos eventos. 

No Diario Cultural falamos con Xosé Aldea, director do Culturgal.

A sala de exposicions do Pazo de San Marcos acolleu unha performance na que música tradicional e danza contemporánea confluíron para chamar á reflexión sobre os mecanismos de normalización das violencias machistas e das desigualdades entre homes e mulleres.

No espectáculo, coordinado por Branca Villares, interpretáronse pezas do cancioneiro tradicional e popular que “poden supoñer apoloxia da violencia contra as  mulleres ou que dalgún xeito contribuén a perpetuala e a normalizala”.

O novo compositor galego, residente en Estados Unidos, Aaron Siebert, está de estrea coa súa obra sobre ‘Memorias dun neno labrego’ por parte da Real Filharmonia de Galicia.

Ramiro Ledo, dos cines Numax de Santiago e Duplex de Lugo crea ‘PROMIO’, unha rede de cinemas independentes.