Rodrigo Romaní, director do Noia Harp Fest, presenta a séptima edición do festival. A arpista viguesa, Alba Barreiro, será a encargada de innauguralo e fálanos do seu primeiro traballo discográfico: Eixos Cromáticos.
E o noso colaborador de música clásica, Luis Miguel Crespo fálanos do ciclo ‘Música no ar’
Daniel Amarelo coordina “Nós, as inadaptadas: representacións, desexos e historias LGTBIQ na Galiza”, publicada por Através Editora. Na obra participan máis dunha quincena de autores, como Candela Barro, Afonso Becerra, Carlos Callón ou Iria Veiga, propios de distintos campos coma o activismo, a literatura, o xornalismo, a docencia ou a arte. Un conxunto de visións que conforman unha obra que se vía xa necesaria.
Na súa actual exposición no CGAC, baixo o título de Crebas, un termo propio do léxico da Costa da Morte que designa todos aqueles obxectos que as mareas depositan na terra a consecuencia de diversas circunstancias. Mostra unha selección de pezas datadas entre 1976 e 2019, que sintetizan a esencia da obra de Torres. Presenta uha serie de obras inéditas directamente relacionadas con Galicia, que enlazan coas súas primeiras pezas conceptuais dos anos setenta, articuladas en perfecto diálogo con obras posteriores, moi particularmente instalacións multimedia.
Especialmente destacable é La campana hermética espacio para una antropología intransferible, unha monumental instalación a modo de gabinete de marabillas, con miles de obxectos de enorme carga simbólica que, testemuñan vivencias persoais, sucesos históricos e recordos da memoria.
Lugar de incendios é obra de homenaxe póstuma ao escritor Paco Souto, a quen tantas veces se lle chamou o poeta percebeiro. Conversamos con Serxio Moreira, autor das partituras que musican os poemas de Paco Souto; e con Paco Tano, presidente da Asociación Caldeirón de Malpica, vila en que o escritor foi concelleiro na oposición polo BNG.