Hoxe coñecemos a segunda edición da Mostra de Cine Latinoamericano Araguaney que comeza esta tarde no Salón Teatro de Santiago de Compostela e que se levará a cabo ata o 24 de maio. Proxectaranse un total de 9 filmes, catro longas de ficción e cinco documentais, de Chile, México, Arxentina, Uruguay, Brasil, Estados Unidos e República Dominicana.  

Hoxe celébrase a gala inaugural na que se fará entrega do II Premio Revbela de Comunicación e Investigación ao fotoperiodista Javier Bauluz, Premio Pulitzer de Periodismo en 1995.

Polo Día Internacional dos Museos falamos coa xerente da Rede Museística de Lugo,
Encarna Lago, e co director do Museo Etnolóxico de Ribadavia, César Llana. Acompáñanos como cada sábado o presidente da Academia Galega do Audiovisual, Carlos Ares.