Nesta edición do Diario Cultural falamos co artista ferrolán Fer Patiño que conta con 40 obras en exposición no Centro Torrente Ballester de Ferrol que se poden ver ata o 12 de maio. Trátase dunha exposición titulada ‘Humo’ porque o fume é o elemento principal das súas obras.
O noso colaborador Tito Lesende lémbranos as citas musicais máis importantes dos vindeiros días.
O ciclo 1906 promove a reunión musical de Abe Rábade e Víctor Prieto nunha completa xira polos escenarios galegos. Hoxe no café Latino de Ourense, mañá no Clavicémbalo de Lugo sábado no Riquela Club de Santiago de Compostela e domingo no salón Regio de A Sede – RC Celta de Vigo. Para coñecer como xurdiu esta unión falamos con Abe Rábade, e tamén coa pensadora e escritora Remedios Zafra porque se está a desenvolver o ciclo Pensarmos do Consello da Cultura Galega e Zafra ofrece unha conferencia sobre a posverdade, s fascismos dixitais, tecnopersoas, precarización da vida, perda de liberdades…..
Hoxe viaxamos ata o medievo para coñecer con Alba Rodríguez como vestía a xente na Idade Media e tamén falamos sobre a violencia desa época con Abel Lorenzo. E todo isto porque hoxe comeza en Compostela o II Congreso Internacional ‘O Camiño do Medievalista’. Un encontro que terá lugar no Paraninfo da USC ata o 26 de abril e no que participan corenta institucións académicas de todo o mundo.
Dende hoxe celébrase na Universidade de Santiago o II Congreso Internacional “O Camiño do Medievalista: et Utreia”. Nel participan 40 institucións académicas de todo o mundo con relatores como Alba Rodríguez, que falará da moda medieval; ou Abel Lorenzo experto na violencia do medievo. Con eles falamos nesta edición do Diario Cultural. Tamén temos colaboración de Rut Balbís de artes do movemento.
O investigador e profesor da Universidade de Coímbra, Boaventura de Sousa Santos participou esta mañá na XXXVI Semana Galega de Filosofía de Pontevedra. Ofreceu unha conferencia titulada ‘Epistemologias do Sur, fronteiras, zonas fronteiriças e plurinacionalidades’.
Ademáis hoxe coñecimos ao novo Premio Princesa de Asturias das Artes. Peter Brook, e falamos do seu concepto de ‘espazo baleiro’ con Alfonso Becerra, profesor da ESAD.
Programa especial de música clásica no que contamos co noso colaborador Luis Miguel Crespo para falar de “Triloxía”, un proxecto que nace da inquietude artística de tres agrupacións sinfónico-bandísticas veciñas: a Banda Municipal de Silleda, a Banda de Lalín, e a Banda Artística de Merza. E para coñecelo falamos cos seus directores;Rafa Agulló da Banda de Silleda, Santiago García da de Lalín, e David Fiuza da de Merza.
As tres agrupacións unen forzas para lanzar ó mercado cultural un proxecto en común: un concerto no que as tres bandas presenten un programa musical conxunto, relacionado e completo, no que cada unha das agrupacións interpreta un repertorio diferente, pero sempre conectado a un tema artístico sólido.
Esta Triloxía comezará o seu camiño o domingo 28 de abril de 2019, ás 17:00h no Auditorio da Semana Verde en Silleda, e farao coa Triloxía Romana do compositor italiano Ottorino Respighi.
Hoxe 23 de abril celebramos o Día do Libro facendo un repaso polas actividades programadas para este día en Galicia e tamén coñecemos a situación do libro electrónico que ven de cumprir 10 anos. Ademáis Ida Vitale recibiu esta mañá o Premio Cervantes.
No Diario Cultural falamos con Suso ‘Chumeiras’ un dos integrantes do grupo A Companhia do ruído que está a presentar o tema ‘ Non quero bicos dos homes’. Unha canción que formará parte do novo disco que a banda galega prepara para finais de ano ‘Disfruten as molestias’
Hoxe falamos con Suso ‘Chumeiras’, un dos integrantes do grupo A Companhia do Ruído que a finais de ano presentará un novo disco titulado ‘Disfruten as molestias’. Ademáis temos colaboración de arte con Rosario Sarmiento.
Comeza a XXXVI Semana Galega de Filosofía: “Filosofía e Fronteira” que organiza a Aula Castelao en Pontevedra. A encargada de dar a conferencia inaugural esta mañá foi a investigadora Saskia Sassen da Universidade de Columbia que analizou o poder e as desigualdades derivados da globalización baixo o título de “Formación depredadora vestidas con traxes de Wall Street e matemática aldorítmica”.
E tamén hoxe comeza a XX Mostra de Teatro Universitario de Galicia que se desenvolverá ata o 16 de maio. En total, dez traballos procedentes das tres universidades galegas conforman o programa desta vixésima edición que terá lugar no Teatro Principal e na Sala de Teatro Roberto Vidal Bolaño en Santiago de Compostela. Hoxe, no Teatro Principal, comeza o ciclo a obra ‘Balas sobre Broadway’ de Tolemia Teatro da USC. Pero para coñecer toda a programación falamos con Roberto Salgueiro, director da Mostra de Teatro Universitario de Galicia.