A Banda Municipal de Música de Santiago pecha as actividades dun ano intenso, no seu 170 aniversario, coa presentación en concerto do disco ‘A nosa música’, xunto a Treixadura e Cantigas e Aragimos. Percorremos a súa historia coa musicóloga Beatriz Cancela.

O ‘cine amater’ de José Ernesto Díaz Noriega, que asina JEDN, no centro da colaboración semanal da Academia Galega do Audiovisual co seu presidente Carlos Ares.

“O bestiario científico de Anxos Nogueirosa”, de Antonio M. Fraga, acaba de ser galardoado co I Premio María Victoria Moreno de Literatura Xuvenil que publica Urco Editora.

A nosa colaboradora experta no audiovisual galego, Beli Martínez, fálanos sobre o cinema galego nas nominacións aos Goya.

O CGAC acolle hoxe ás 19:00 horas a segunda sesión da mostra “Mirada País. Videocreación”. Unha construción da imaxe videográfica de Galicia dende os anos 80 do século XX ata hoxe.

Ademais, o noso colaborador experto en música pop e rock, Tito Lesende, tráenos os últimos concertos e novidades musicais. Entre os actos atópase a actuación do grupo madrileño Morgan, que estará o 14 de decembro na Sala Capitol de Santiago de Compostela.

Preséntase o libro-disco “A Estrada da Vida”, un traballo que mestura a poesía do escritor e mestre Xosé Luna, e musicado por Manoele de Felisa.

Ademais, a nosa colaboradora experta en artes do movemento, Rut Balbís, fálanos no programa de hoxe sobre “Non hai que ser unha casa para ter pantasmas”, o traballo da Compañía Prácido Domingo que vén de gañar o Premio da Crítica da 32ª Edición do Certame Coreográfico de Madrid.