Nao presenta o seu novo e último disco, “Ata que o lume se apague”, co que pon fin á súa traxectoria musical. Trátase dunha obra composta por doce temas que traerá consigo unha xira que abrirá o 5 de decembro cun concerto na Sala Capitol de Compostela.
Falamos con Jasper, vocalista do grupo.
Nao pon fin á súa traxectoria con “Ata que o lume se apague”.
Ademais, a nosa colaboradora Rosario Sarmiento fálanos sobre a nosa mostra que chega ao CGAC de Santiago de Compostela, “Bleda e Rosa”.
O escritor Gonzalo Hermo, que recibiu o XVI Premio de Poesía Afundación, ofrece un recital para o Diario Cultural.
Unha viaxe ao punk77 e máis alá. Atravesamos un portal no tempo que se abre a nós en Pontedeume. Queres vir? Pois… Bule!
Viaxe polo punk coa banda Bule, en Pontedeume. Recital de Gonzalo Hermo.
Xornadas “A palabra teatral nas aulas” da Asociación de Escritoras e Escritores en Lingua Galega. Nova canción do grupo Gancho Sanches.
Davide Salvado despídese de “Lobos” para centrarse no que será o seu novo espectáculo. Co concerto deste venres na Casa das Crechas, Davide, acompañado por Santi Cribeiro, Carlos Freire e Pablo Dalama, pon fin a unha xira que levou á banda por boa parte do estado, Canadá, Finlandia, Bélxica ou Portugal.
Davide Salvado acompáñanos para falar sobre o fin da súa xira “Lobos”.
Ademais, a nosa colaboradora do mundo audiovisual, Beli Martínez, fálanos sobre David Hernández, un realizador vigués que a semana pasada estreou “A felicidade dos cans” no Festival de Xixón e en Cineuropa.
“Cociñando con bolboretas no bandullo”, un libro de Diana Fernández e David Díaz, ilustrado por Iván Rodríguez e editado por Xerais.
Unha publicación na que cada receita garda unha historia de amor. Relatos que engaiolan con sabor e diversión. Un recetario pensado para os máis cativos, que conta ademais cunha canle de Youtube onde se poden ver as receitas a través dos códigos QR que aparecen en cada unha de elas.