O programa de Radio Galega Música vén de ser galardoado co Premio Xavier Prado “Lameiro” convocado pola xa centenaria Coral de Ruada.

Ademais estreamos o moi agardado primeiro traballo discográfico do grupo Zoelas e escoitamos as músicas de dous grupos, de fóra de Galicia, que serán os nosos convidados no programa do vindeiro domingo. Desde Andalucía uns vellos coñecidos: os Stolen Notes co seu novo disco “The Ocean Road”. E, por primeira vez en Lume Na Palleira, os salmantinos Folk On Crest que nos presentarán o seu disco de décimo aniversario gravado en directo no Teatro Liceo.

A escritora galega Emma Pedreira gaña o premio Xerais de Novela 2018 coa súa obra ‘Besta do seu sangue’. Unha novela na que o lector pode deixarse levar polas palabras e construír el mesmo a súa historia. Esta obra chega despois de ‘Antídoto’ e ‘Bibliópatas e fobólogos’, pezas tamén moi premiadas da autora.

O libro está formado por capítulos breves que imitan a tradición oral e amosan trazos de poesía. Unha peza centrada na figura de Romasanta para que cada lector teña unha imaxe propia desta personaxe. A autora tivo como referencia o libro de ‘Seique’ de Susana Sánchez Aríns.

Premios Xerais 2018 e as últimas novidades en música tradicional con Emilio Españadero.

Conversa coa artista Javiera Mena e recital de Carlos Lixó.

Su Garrido Pombo gaña o Premio Fran Pérez ‘Narf’ de música da Deputación da Coruña. O ‘Ovniporto’ da aldea ourensá de Montoedo acolle a presentación da nave espacial de Lucio Ballesteros: nave e personaxe protagonistas do filme 10 / 7 do que falamos co seu director Xoel Méndez.

O ‘Ovniporto’ da aldea ourensá de Montoedo acolle a presentación da nave espacial de Lucio Ballesteros: nave e personaxe protagonistas do filme 10 / 7 do que falamos co seu director Xoel Méndez.

Outono Códax Festival 2018. Colaboración de Beli Martínez sobre audiovisual galego.

O Centro Galego de Arte Contemporánea acolle a exposición fotográfica ‘Bleda e Rosa. Xeografía do tempo’. Unha creación formada por seis series fotográficas que reflicten paisaxes e historias co obxectivo de capturar o tempo e a memoria. María Bleda e José María Rosa son as artistas que están detrás deste proxecto.

Nesta edición do Diario Cultural Ana Romaní tamén falou de teatro e novas estreas. Hoxe no Teatro Principal de Compostela pódese gozar de ‘Réquiem por un monicreque’. Tamén hai nova función de “Anatomía dunha serea” no auditorio Constante Liste de Teo.

Mañá celébrase a III Xornada de Onomástica Galega no Museo de Pontevedra na que se profundará no mundo dos alcumes e a súa relación cos apelidos actuais. A recomendación literaria chega da man, como cada venres, de Montse Pena Présas. “Ler o mundo’ de Michèle Petit é o libro que todo amante da lectura non pode esquecer.

I edición do Concurso de Relatos Curtos “Historias de Mulleres”.  Titeres Cachirulo, que interpretan a obra “As xeneralas da Ulla”. Colaboración musical de Tito Lesende.