Ana Romaní presenta as últimas novidades culturais da xornada. A obra ‘Anatomía dunha serea’ estréase hoxe en Santiago. O auditorio Constante Liste de Teo abrirá as súas portas ata o 26 de outubro para amosar este proxecto de teatro documental autobiográfico.

A historia está baseada na experiencia persoal da actriz protagonista Iria Pinheiro. A maternidade e outras cuestións vitais forman parte da vida cotiá dunha gran parte da poboación. Confesións con doses de poesía amosan experiencias persoais cheas de verdade.

Na edición do Diario Cultural de hoxe Belén Regueira fala sobre a cultura científica co motivo do décimo aniversario do CSIC en Galicia. As estreas cinematográficas da semana chegan da man de Begoña Vázquez.

Presentación en Santiago de “Sen piedade” de Pedro Feijoo. Colaboración de Rut Balbís sobre danza.

Entrevista a Carlos Lema, especialista na obra de Anxo Rey Ballesteros, de quen recentemente a Editorial Galaxia publicou unha obra póstuma.

Comeza o Diario Cultural de hoxe coa música de Susana Seivane. Sons e letras que falan de temas como a maternidade, a mestruación ou a menopausa. Temas que forman parte da vida cotiá de case a metade da poboación, pero que teñen pouco espazo na arte e na cultura.

Estes temas tamén son os protagonistas da obra teatral ‘Anatomía dunha serea’, unha peza que fala de experiencias e vivencias do día a día das mulleres. Este traballo de Iria Piñeiro estréase mañá no auditorio Constante Liste de Teo.

Paula Riveiro repasa no Diario Cultural as últimas novidades no mundo das artes e das letras. Radio Galega viaxará ata a biblioteca Ánxel Casal de Santiago de Compostela para asistir ao recital ‘Palabra de muller’ co motivo da conmemoración do Día das escritoras.

Tamén haberá espazo para falar sobre a nova película ‘Sea Beasts’ que se presenta hoxe no Centro Galego de Artes da Imaxe de A Coruña. Trátase dun filme galego que fala sobre o maltrato escolar e sobre a infancia. Nesta historia o mar xoga un papel fundamental, xa que aporta calma pero tamén perigosidade. Unha película que abre portas e transmite angustia, mareo mental e intriga, segundo explica o actor Alejandro Carro.

Esta edición de Diario Cultural conta coa colaboración de Rosario Sarmiento que fala sobre dúas mostras de arte expostas estes días tanto en Vigo como en Lugo.

Ana Romaní conversa nesta edición de Diario Cultural coas escritoras Yolanda Castaño, Susana Sánchez Aríns e Joumana Haddad. Son tres mulleres que atoparon na palabra a ferramenta para o cambio. A calidade literaria, a variedade de linguas e a diversidade de culturas están presentes nas súas obras.

As escritoras falan sobre a importancia do feminismo e destacan que é unha responsabilidade de todos, ademais de salientar que se trata dunha causa universal.

Outros temas como o III Encontro de Cadernos de Viaxe Compostela Ilustrada e o Ciclo das Letras en Lugo tamén foron tratados neste espazo presentado por Ana Romaní.