Piti Sanz publica o seu novo disco
Na colaboración musical con Alfonso Espiño falamos dunha estrea mundial: o novo disco de Piti Sanz. Escoitamos algunhas das cancións inéditas.
Todas as colaboracións
Como é o cinema documental que podemos descubrir en Tui?
No Diario Cultural de hoxe temos tempo de colaboración con Beli Martínez dende o Play Doc de Tui, un dos festivais máis recoñecidos de Galicia.
A sesión de hoxe recupera a colección de Carlos Dagá, cineasta amateur tudense.
Tamén dentro da programación falaremos do filme do cineasta chileno Ignacio Agüero con ‘Nunca subí el provincia’, un fermoso traballo que fala sobre o cinema a través da correspondencia que este mantén cunha cineasta.
Tamén comeza un festival histórico como é o OUFF que celebra en Ourense a súa edición número 25. Destacan as homenaxes póstumas a Cuerda e Eloy Lozano así como a Roberto Verino. Ademais da estrea do filme ‘Olvido y León’ dirixida por Xavier Bermúdez.
‘Os Minimortos. Benvido ao outro barrio’ de Ledicia Costa e ilustrado por Mar Villar é motivo do comentario de Montse Pena
A nosa colaboradora Montse Pena Presas fálanos hoxe da novidade na literatura infantil, Os Minimortos. Benvido ao outro barrio, de Ledicia Costa e ilustrado por Mar Villar para Xerais
Detémonos a observar a actualidade máis salientable da música
O coruñés Xoel López presenta esta fin de semana un concerto nunca visto: o seu repertorio interpretado co seu grupo e a Orquestra Sinfónica de Galicia. É unha ocasión única para escoitar os temas máis populares do artista galego cos arranxos de varias ducias de músicos de escola clásica.
Namentres, dende Vigo, Bifannah será un dos grupos participantes no festival Maré, que é un xeito de repensar Cantos na Maré dende Santiago de Compostela.
Por último: Bruna, unha nova banda composta por músicos que habitualmente tocan con Leiva, M Clan, Dani Martín e outros artistas moi coñecidos.
‘Black Beach’, ‘A diosa da fortuna’ e o clásico ‘Coa morte nos calcaños’ son motivo do comentario de Begoña Vázquez
Na Sala 5 de Begoña Vázquez falamos hoxe do thriller ‘Black Beach’ protagonizada por Raúl Arévalo e Candela Peña; ‘A diosa da fortuna’ dirixida por Ferzan Ozpetek e o clásico de Alfred Hitchcock ‘Coa morte nos calcaños’
Visitamos as principais novidades de banda deseñada en Galicia
Co noso colaborador de aniversario Carlos Portela, exploramos a actualidade deste xénero con gran protagonismo hoxe para a novela gráfica.
Sarabela Teatro cumple 40 anos coa versión teatral d’A Lingua das Bolboretas
O noso colaborador Roberto Pascual fálanos hoxe da adaptación escénica d’A Lingua das Bolboretas de Manolo Rivas por Sarabela Teatro que, ademáis, está de 40 aniversario.
Unha fermosa versión que explora na intertextualidade e na explotación da dramaturxia visual e do teatro físico, na liña da dirección de Gonçalo Guerreiro coa compañía ourensá (esta é a segunda), fai deste espectáculo un dos grandes acertos teatrais da tempada.
Exploramos as últimas novidades da música folk
Emilio Españadero tráenos a actualidade máis salientable do panorama: Alvaro Iglesias, Alvariza, Airiños da Freba e A tajea
Armando Requeixo tráenos ‘Non fales o que non debes’ de Luís Manuel García Mañá
Non fales o que non debes (Xerais) achéganos a historia dun maxistrado dunha cidade galega que se suicida xusto no momento no que no seu Xulgado de Instrución se está a investigar a complexa Operación Táchira. A morte do xuíz, unida ao suicidio nos calabozos da comisaría da cidade dun concelleiro preventivamente detido pola súa suposta implicación nos delitos investigados na operación, disparará as sospeitas de que estas mortes non son casuais, fío do que tira o tenaz xornalista Aquem, alias Vagalume, para tratar de desvelar as razóns que se agochan tras as súas desaparicións.
Que pasou realmente? Que esconden estes suicidios e cales foron as relacións dos finados coas persoas que os rodeaban? Pode sobrevivir a Ética en río tan avolto?
Falamos da mostra Mente/Materia do escultor Silverio Rivas, na Casa das Artes de Vigo
Silverio Rivas é un dous grandes nomes da escultura contemporánea en Galicia, home de gran capacidade de traballo e profundo coñecemento dás técnicas pero sobre todos dos materiais e as súas leis. Pioneiro da abstracción, para Silverio a escultura é “o territorio que habito e onde ocorren todas a s cousas…porque a escultura é a extensión dun mesmo”
- ‹ Anterior
- 1
- …
- 99
- 100
- 101
- 102
- 103
- …
- 175
- Seguinte ›