Co noso colaborador musical Tito Lesende botamos unha ollada ás novas músicas que saen ó público, coma o novo disco de versións da banda estadounidense Whitney, os dous temas inéditos que saca a artista navarra Amaia e o concerto que darán os galegos Igloo o próximo luns 17 nas festas de Cuntis.
Nestes tempos nefastos para a música en directo asistimos diariamente a cancelacións de festivais por todo o país. Se hai uns días anunciaban a baixa do Felipop de Limodre, onte coñecemos a nova da cancelación do Resurrection Fest XS por parte do Concello de Viveiro.
Un festival que si se está a celebrar, aínda que nun formato moi diferente ao dos últimos anos, é o Feito a Man de Santiago de Compostela. Este festival de rúa sempre foi un magnífico escaparate de novos talentos tanto locais coma galegos e internacionais. Hoxe o noso colaborador Alfonso Espiño detállanos a oferta musical do programa do Feito a Man.
O noso colaborador de banda deseñada Carlos Portela adiántanos as actividades que se desenvolverán nesta nova edición do “Viñetas desde o Atlántico”.
As paredes do Kiosco Alfonso amosarán as obras de Alessandro Barbucci, Enrique Vegas, Pau e Xulia Vicente.
Será unha edición diferente onde os contidos se enfocarán ós públicos infantil e xuvenil e onde non haberá presenza de autores internacionais por mor da crise sanitaria.
Porén, si haberá conferencias virtuais de importantes sinaturas neste “Viñetas desde o Atlántico” que transcorrerá do 17 ó 23 de agosto.
Nesta semana, daremos conta co noso colaborador arqueólogo, Mario César, dos resultados da última campaña arqueolóxica en Campo do Castro (Cedeira), dirixida polo arqueólogo Emilio Ramil.
O Castro Sarridal enmárcase na segunda fase da cultura castrexa, entre os séculos V – II a.C. ata a etapa galaico romana, entorno aos séculos I-II d.C. Posteriormente o castro abandónase por completo ata as sondaxes arqueolóxicas iniciadas no 2017.
O tamaño do castro abarca toda a península do Sarridal e na súa unión coa terra presenta un sistema defensivo con dous profundos fosos e dúas murallas. Ademais, atópase rodeado de cantís. O seu elemento arquitectónico mais destacado é o “Monumento con Forno”, unha estrutura dedicada aos baños de vapor que conta cunha complexa arquitectura.
Na última intervención, rematada a pasada semana, escavaron o camiño de acceso ao castro, o cal conta cun lousado que leva á antecámara da sauna. Escavaron tamén a liña defensiva interior do primeiro recinto fortificado co bastión de acceso e atopando todo un novo bastión sobre o foxo. Un bastión de forma oval que controla o acceso e se acaroa ao paramento exterior, e que constitúe un singular complexo defensivo.
O noso colaborador Luis Miguel Crespo, achéganos hoxe un dos festivais de música máis consolidados na nosa terra: o Festival Bal y Gay, que se leva a cabo entre os días 12 e 24 deste mes, cun total de 7 concertos, 5 funcións de programas en familia, unha conferencia, e a proxección dun documental dedicado a Beethoven. Aínda que o festival ten o seu epicentro en Foz, este ano desenvolverase nun total de 7 concellos da mariña central.
Por diferentes escenarios que conforman espazos naturais e elementos do noso patrimonio como a Catedral de Mondoñedo ou o Pazo do Conde de Fontao, pasarán artistas e formacións do máis alto nivel como a Real Filharmonía de Galicia, o Cuarteto Quiroga, Sponte Sua, Cuarteto Cosmos, Cuarteto Quiroga, Juan Pérez Floristán, Hot Chocolates, ou o Ensemble Bal y Gay.
Hoxe imos achegarnos a un dos festivais de música máis consolidados na nosa terra: o Festival Bal y Gay, que se leva a cabo entre os días 12 e 24 deste mes, cun total de 7 concertos, 5 funcións de programas en familia, unha conferencia, e a proxección dun documental dedicado a Beethoven. Aínda que o festival ten o seu epicentro en Foz, este ano desenvolverase nun total de 7 concellos da mariña central.
Por diferentes escenarios que conforman espazos naturais e elementos do noso patrimonio como a Catedral de Mondoñedo ou o Pazo do Conde de Fontao, pasarán artistas e formacións do máis alto nivel como a Real Filharmonía de Galicia, o Cuarteto Quiroga, Sponte Sua, Cuarteto Cosmos, Cuarteto Quiroga, Juan Pérez Floristán, Hot Chocolates, ou o Ensemble Bal y Gay.
A nosa colaboradora Alba Cid tráenos hoxe unha edición correxida e aumentada d’A relixión do mar de Xosé Iglesias (Caldeiron, 2020).
O noso colaborador Tito Lesende tráenos máis novedades musicais ó Diario Cultural. Esta semana analiza para nós o que se verá nos escenarios do Festival Noroeste da Coruña, o Náutico do Grove e o Atlantic Fest, eventos fundamentais na escea musical estival galega.
O noso colaborador Alfonso Espiño achéganos as últimas novidades musicais, destacando o primeiro traballo longo da Ukestra do Medio, Outras Lérias, gravado no Laboratório Soyuz con Xurxo Pinheiro e Hevi.
Tamén nos fala do segundo sinxelo de adianto do novo traballo de Alexandro González, Todos los santos, e o último disco do grupo radicado en Chantada, Gancho Sánches: Zaquín.