Rosario Sarmiento fálanos da mostra “O salón dos espellos”, do pintor Eduardo Gruber (Santander, 1949). Ata o 5 de xaneiro de 2020 pódese visitar no Museo “Marco” de Arte Contemporánea de Vigo.
As poetas Erin Moure e Chus Pato na residencia de Tradución do Queen´s College da Universidade de Oxford e os traballos de Moure como tradutora na colaboración de poesía con Alba Cid.
Manuel Vicente fálanos do uso da realidade aumentada e a realidade virtual na exposición ‘Galicia, un relato no mundo’, aberta no Museo Centro Gaiás da Cidade da Cultura e comisariadapor Manuel Gago. Ademais do percorrido histórico sobre a relación de Galicia co mundo, a mostra inclúe exemplos contemporáneos de innovación e presenza mundial da economía galega: do téxtil áautomoción, pasando pola pesca.
Beli Martínez achéganos os filmes galegos presentes no Festival Internacional de Cine de Mar del Plata. Entre elas atópanse “O que arde”, de Oliver Laxe e “Longa Noite”, de Eloy Enciso, entre outras.
“O país do gran furado” de Xerardo Quintiá con ilustracións de Noemí López e publicado por Baía no centro do comentario semanal de literatura infantil e xuvenil con Montse Pena Presas que tamén nos ofrece a súa ollada sobre “Os secuestradores de burros” de Gerald Durrell traducido por Moisés Barcia para Sushi Books.
Os cántabros “Los Estanques”, os vigueses “Presumido” ou Guadi Galego, co seu novo traballo “Inmersión”, son algunhas das citas que dominan o panorama musical de Galicia nos vindeiros días.
A directora de Sala 5, Begoña Vázquez, chega este xoves con dúas propostas destacadas na carteleira:
Coñece, da man de Carlos Portela, o último na banda deseñada: “A Lotería”, de Shirley Jackson e “Asérix, a filla de Vercingetorix”. Esta última, cunha protagonista inspirada na figura da activista medioambiental Greta Thunberg.