Mario César Vila fálanos de dúas obras divulgativas que nos achegan a realidade da Galicia medieval. Galicia. Reis e Reino, de Anselmo López Carreira e Héitor Picallo Fontes e mais Personaxes da Galiza medieval, no que diferentes historiadores trazan perfís de Xelmírez, San Rosendo ou Ilduara Eiriz.
Mario César Vila chama a nosa atención sobre accións que poden poñer en perigo elementos patrimoniais. Falamos dun recente incendio na contorna de Cova Eirós e de tráfico ilegal de pezas arqueolóxicas.
Mario César Vila fálanos hoxe do reino suevo instalado na antiga Gallaecia, o primeiro reino cristián da Europa occidental continental. Lembramos este período da nosa Historia do fío da publicación da tradución ao galego de ‘Como vivir unha vida honesta’, escrito por Martiño de Dumio para o rei galego Miro. O texto está accesible no web do Consello da Cultura Galega, que o 11 de abril lle dedica unha xornada á figura de Martiño de Dumio e á súa influencia na cultura galega.
Mario César Vila guíanos nunha ruta polas fortificacións defensivas de Ferrolterra que acaba de poñer en valor o congreso ‘Paisaxes fortificadas de Ferrolterra: Rías Altas’.
Patrimonio e arquitectura