Todas as colaboracións

‘Eu son A’

12 Febreiro, 2021

Montse Pena Presas propón a lectura de ‘Eu son A’ (Kalandraka), de Steve Tasane e traducido por Carlos Acevedo. Unha historia de nenos que se atreven a soñar, malia vivir nun campo de refuxiados.

Anti San Valentín

11 Febreiro, 2021 0:08:00

Hoxe Tito Lesende sorpéndenos incorporando a música de raíz coas Tanxugueiras. Tamén achega o novo dos Nastys (unha confrontación co San Valentín) e a nova peza dos Vinagres.

Begoña Vázquez de Sala 5 recoméndanos ‘Vitals‘, unha serie de HBO sobre xente normal. Aí reside o seu misterio e a súa grandeza, no medio dunha situación de alarma por pandemia sanitaria, as historias que nos importan son as das vidas normais.

Descubrimentos romanos

10 Febreiro, 2021 0:10:15

Atópanse en Bande restos romanos de grande importancia.

O teatro de Fernando Castro Paredes

10 Febreiro, 2021

Este asturiano afincado en Cee, deuse a coñecer nos últimos anos no ámbito da dramaturxia gañando os Premios Rafael Dieste ou o I Certame de Textos Teatrais Roberto Vidal Bolaño para público adolescente. Pero Fernando Castro xa tiña navegado no teatro no ámbito do teatro escolar e afeccionado. Agora falamos das súas últimas pezas premiadas e editadas, Amorodo Agre (Deputación da Coruña) e A derradeira bala (Editorial Galaxia).

Dous estilos moi diferentes, dous tons opostos, dúas mostras da versatilidade dun autor que sabe moverse da comedia farsesca e absurda ao drama social con profundidade simbolista e cáustico.

Un comentario de Roberto Pascual.

Pasado e presente

9 Febreiro, 2021 0:13:30

Emilio Españadero móstranos pasado e presente da música de raíz. Tanxugueiras, Ricardo Portela, Javier Franco, Xisco Feijóo.

Orixe orzánica das sereas todas

9 Febreiro, 2021

Esta semana Armando Requeixo proponnos a lectura dun libro ben singular: Orixe orzánica das sereas todas de Rodrigo Osorio.

Orixe orzánica das sereas todas (Alvarellos) é unha ucronía. É dicir, unha narración imaxinaria do que puido ser e non foi. Neste caso, Rodrigo Osorio fabula cunha Galicia onde a Guerra Civil non tivo lugar e, en consecuencia, tampouco se viviu a longa posguerra franquista.

Nesa Galicia ideal o gran pintor Urbano Lugrís ingresa na Academia Galega da Lingua en 1953 lendo un discurso sobre a natureza das sereas e o seu vínculo coa beiramar coruñesa. Un discurso, por certo, ao que responde o escritor Leandro Carré Alvarellos, engadindo así novos argumentos a este relato desbordante de imaxinación e de fondo alento mitolóxico.