Continuamos coñecendo o itinerario vital e literario de Florencio Delgado Gurriarán. Trala guerra civil, o poeta valdeorrés tivo que exiliarse en México e abrazou a súa nova vida con vitalismo e moito interese pola cultura do país que o acollía. Ademais do seu labor como activista político e cultural, en México formou unha familia, cambiou a avogacía polo traballo comercial e escribiu un feixe de “poemas crioulos” que están entre o máis interesante da súa obra.