Sara Donoso é doutora en Historia da Arte pola Universidade de Santiago de Compostela (USC). Conta con estudos de grao en Belas Artes na Facultade de Pontevedra e dous mestrados: Mestrado en Arte, Museoloxía e Crítica Contemporáneas e Mestrado en Estudos da Literatura e da Cultura, ambos da USC. Como profesional independente leva a cabo proxectos de didáctica, comisariado e xeración de contidos para institucións como a Fundación Rac Arte Contemporánea e a Facultade de Belas Artes en Pontevedra, o CGAC. Centro Galego de Arte Contemporánea, ArteDardo e DIDAC en Santiago de Compostela ou o Intersección. Festival de Arte Audiovisual Contemporáneo da Coruña. 

Como crítica, destacan as publicacións Miradas cruzadas. Pintura e paisaxe no audiovisual galego contemporáneo (2019); Antes, durante, despois. Entrevistas con ex-estudantes da Facultade de Belas Artes (2018) e Paisaxe e pintura no audiovisual galego contemporáneo: Carla Andrade e Xisela Franco (2016). Colabora con medios de cultura e cinema e ten publicado textos críticos e entrevistas sobre diferentes creadores.