Amigos e compañeiros de Xabier Docampo organizan unha homenaxe para lembrar a figura do escritor. O acto ‘Na voz da amizade’ terá lugar esta tarde na Coruña. Como cada mércores, falamos de teatro con Roberto Pascual.
Programa especial dende o Museo do Pobo Galego onde ten lugar esta tarde a entrega de premios do I Certame de Podcast e Relato Radiofónico Xosé Mosquera. Un certame ao que s epresentaron 40 traballos de centros das catro provincias galegas e que teñen como fío conductor a vida de Antonio Fraguas, o homenaxeado das Letras Galegas 2019.
O Certame nace como unha homenaxe a Xosé Mosquera Pérez, máis coñecido como O vello dos contos da emisora santiaguesa Unión Radio Galicia, situada no Museo do Pobo Galego nos anos 30.
Programa especial dende o Museo do Pobo Galego onde ten lugar esta tarde a entrega de premios do I Certame de Podcast e Relato Radiofónico Xosé Mosquera. Un certame ao que s epresentaron 40 traballos de centros das catro provincias galegas e que teñen como fío conductor a vida de Antonio Fraguas, o homenaxeado das Letras Galegas 2019.
O Certame nace como unha homenaxe a Xosé Mosquera Pérez, máis coñecido como O vello dos contos da emisora santiaguesa Unión Radio Galicia, situada no Museo do Pobo Galego nos anos 30
Hoxe falamos co arpista Manuel Vilas que esta noite actuará xunto con Laura Puerto na Casa do Saber da USC. O dúo de arpistas presentará o seus espectáculo “Las Arpas Sonorosas”. Ademáis tamén escoitamos ao presidente da Asociación Galega da Crítica, Mario Regueira, porque hoxe entréganse os Premios da Crítica 2018 e Pilar Pallarés e Antón Lopo foron os galardoados en poesía e narrativa respectivamente, polo poemario Tempo fósil e a novela Extraordinario.
Descubrimos o proxecto Camiños Sonoros. Máis dun cento de estudantes de conservatorios galegos ofrecen concertos arredor da Vía da Prata, como no mosteiro de Oseira, de Carboeiro ou no Pico Sacro. Os embaixadores desta iniciativa son Susana Seivane, Abe Rábade e Víctor Prieto. Neste Diario Cultural falamos con Andrea González, pianista e directora artística do ciclo; Ricardo Solveira, actor que participa na parte formativa; e Daniel Quinteiro, un dos rapaces do Conservatorio da Coruña, que participou no concerto deste sábado nos Xardíns do Pazo de Monterrei. As proximas actuacións serán esta fin de semana en Compostela.
“Namoreime da música con oitos anos”, asegura Andrea. Para ela é fundamental abrir os ollos a un novo concepto de músico onde a interpretación é tan importante como a execución técnica.
Respirar a música, a mirada e conexión co público son elementos que van máis alá da parte musical, mais son esenciais para solucionar un dos problemas que ten na actualidade a música clásica: ¿Cómo achegar unha obra de Chopin ao público xeral? Os músicos saben que non é suficiente cunha execución técnica perfecta.
“Os músicos decátanse das súas necesidades expresivas”, asegura Ricardo Solveira, quen nos fala da ruptura do paradigma da posta en escena da música clásica. Porque a música tamén é unha arte escénica.
Máis dun cento de estudantes de conservatorios galegos ofrecen concertos arredor da Vía da Prata, no marco do proxecto Camiños Sonoros. No tempo de literatura con Armando Requeixo falamos das novas novelas de Ledicia Costas e Rivadulla Corcón.
Hoxe falamos con Amador Arias, actor protagonista de ‘O que arde’. O filme do galego Oliver Laxe que ven de gañar o Premio do Xurado no Festival de Cannes.
Hoxe falamos con Amador Arias, actor protagonista de ‘O que arde’. O filme do galego Oliver Laxe que ven de gañar o Premio do Xurado no Festival de Cannes. Tamén escoitamos a nova canción de Terbutalina, un adianto do seu novo disco no que están a traballar.
E coma cada luns, Rosario Sarmiento, fálanos de arte.
Neste Diario Cultural falamos do traballo do artista Xosé M. Buxán Bran no que busca reivindicar o amor igualitario. Para eso o Concello da Coruña visibiliza a pluralidade e a diversidade sexual coa exposición fotográfica ‘De par en par’ que se pode visitar na Casa Museo Casares Quiroga e na na Fundación Luís Seoane.
Ademáis coñecemos a reacción do cineasta Oliver Laxe e de Xavi Font, da productora Miramemira, polo Premio do Xurado na sección ‘Unha certa Ollada’ de Cannes para ‘O que arde’.
Comeza este luns o Rexenera Fest de Carballo, un proxecto para derrubar muros con pintura. Tamén están programados obradoiros, conferencias, ruta guiada e concertos. Neste Diario Cultural falamos con Maite Parga, técnica de turismo de Carballo, e con Lidia Cao, artista urbana e ilustradora que participa nesta edición do festival.
Un proxecto para cambiar a imaxe física de Carballo e a mirada coa que veciños e visitantes perciben esta vila. Arte na rúa e traballo para humanizar o espazo urbano. Un recurso turístico que se converte nun motivo máis para facer unha parada na vila coruñesa.
“Non é o mesmo traballar fóra que no teu estudio ou na túa casa”, asegura Lidia Cao. Aínda que non quere desvelar como será o seu mural, adiantou na Radio Galega que a temática será a infancia dende un punto de vista crítico.