Hoxe, luns 1 de abril, comeza a 17ª edición do encontro de danza da USC organiazado polo espazo de danza universitario. Un ciclo no que se busca mostras a produción propia do espazo que conta con máis de 40 montaxes. Para coñecer todos os detalles falamos con Juan Carlos Zahera, director do espazo de danza da USC
Nesta edición do Diario Cultural falamos con Juan Carlos Zahera, director do Espazo de Danza da USC porque hoxe comeza a 17ª edición do seu Ciclo de Danza, uns días nos que aproveitan para mostrar espestáculos da súa produción porpia. Este ano ademáis contan co Espazo de Danza da Universidade da Coruña como convidado.
Tamén viaxamos ata Ourense para coñecer a programación da MITEU, a Mostra Internacional de Teatro Universitario que terá lugar do 25 de abril ao 11 de maio.
Por último, e como cada luns, Rosario Sarmiento introdúcenos no mundo da arte. Hoxe, Día das Artes Galegas toca falar do homenaxeado: Luis Seoane.
Nesta edición do Diario Cultural celebramos o Día das Artes Galegas que este ano a Real Academia Galega de Belas Artes adica a Luis Seoane López, unha das figuras máis importantes da cultura do século XX. Para coñecer máis sobre a vida e a obra do artista falamos con Xosé Díaz Arias de Castro, académico da sección de Artes da Imaxe, que ademáis será o encargado de pronunciar o discurso “Significado de Luis Seoane no contexto da cultura galega no século XX”, na homenaxe de esta tarde no Teatro Colón da Coruña.
Tamén despedimos ao escritor Rafael Sánchez Ferlosio, que nos deixou hoxe aos 91 anos. Felosio é autor de “El Jarama”, Premio Cervantes en 2004 e Premio Nacional das Letras Españolas en 2009. E. por último, adentrámonos na 24ª edición da MITEU, a Mostra Internacional de Teatro Universitario de Ourense, que presentou o seu programa esta mañá
O Día das Artes Galegas homenaxea a Luís Seoane. Hoxe falamos co historiador Carlos López Bernárdez da traxectoria do artista. Tamén escoitamos as voces do pintor Jorge Espiral, da artesá María Elena Montero e de Silvia Longueira, directora da Fundación Luís Seoane.
Luís Seoane é o artista homenaxeado no Día das Artes Galegas. Neste Diario Cultural falamos da súa traxectoria plástica e artística.
“Dende o seu exilio durante a Guerra Civil sempre tivo unha vontade moi clara de estar traballando pola nosa cultura”, asegura Carlos López Bernárdez, historiador da arte e autor de Un pintor que sabía o que facía da Editorial Laiovento.
Tamén escoitamos as voces de Jorge Espiral, pintor e director da galería La Catedral, en Lugo; con María Elena Montero, artesá creadora de tapices en colaboración con Luís Seoane; e con Silvia Longueira, directora da Fundación Luís Seoane.
“Penso que o libro Homenaxe á Torre de Hércules reflicte a esencia de Seoane”, explica Silvia Longueira.
“O seu traballo de edición, ao servizo da cultura galega, é moi importante neses anos. Nun momento en que é imposible editar aquí en galego e a nosa lingua está tan perseguida”, engade Carlos López Bernárdez.
Presentacións, conversas, roteiros e unha vaga de crimes por resolver no barrio de San Pedro. Máis de 40 establecementos se sumana repartir ‘pistas’ do xogo a xeito de relato creado por Hector Cajaraville para a Semana da novela negra.
Máis de 50 obras de Jorge Cabezas, un libro e un documental na homeanxe ao pintor coruñés que se verá ata xuño na Fundación Luis Seoane. Tamén ata xuño a revisión dos colectivos artísticos da cidade entre 1973 e 1986 que co título de ‘Nos dominios da urxencia’ comisaría Xurxo Taxes.
No Diario Cultural falamos coa actriz Estíbaliz Veiga que está de xira por centros escolares de Galicia con “Golpes”, un relato sobre a violencia machista.
Nesta edición do Diario Cultural coñecemos como vai transcurrir a vixésimo oitava edición dos Premios do Colexio de Arquitectos de Galicia que se celebran esta noite no Teatro Jofre de Ferrol. Tamén falamos con Estíbaliz Veiga que está de xira por centros escolares galegos coa obra “Golpes”, unha obra de denuncia social que xira en torno a violencia machista. Ademáis na colaboración de Beli Martínez falamos da estrea de “Estado de malestar”, a última película da ourensá María Ruído.
Nesta edición do Diario Cultural falamos da XXXVI edición da Semana Galega da Filosofía que se desenvolvera en Pontevedra do 22 ao 26 de abril de 2019 baixo o título “Filosofía e Fronteira”. Para coñecer todas as actividades que se levarán a cabo no marco desta celebración, falamos coa presidenta da Semana Galega da Filosofía e da Aula Castelao, Ana Regueira.
Tamén descubrimos os segredos que agocha o libro “Un conto siciliano e outras historias” co seu autor Estro Montaña. E para finalizar coñecemos cómo vai transcurrir a gala de entrega dos XVIII Premios do Colexio de Arquitectos de Galicia, que se entregarán esta noite en Ferrol.