Falamos de A casa do Paralelo 54, un libro de Iria Collazo e editado por Galaxia. Conta a historia de dous mozos, un mapache, casas penduradas de paralelos, camas barco, insectos descomunais e medos.
Ademais, Rosario Sarmiento fálanos de Utopía ou distopía, unha mostra da escultora Soledad Penalta.
O Museo Marco de Vigo presenta o seu novo director: Miguel Fernández Cid, quen foi director do CGAC entre os anos 1998 e 2005. Na actualidade, é director xerente da Fundación Gonzalo Torrente Ballester e tamén membro da Real Academia Galega de Belas Artes.
Facemos unha viaxe cinematográfica pola gala dos Óscar da pasada madrugada. Tamén falamos de música de raíz con Emilio Españadero.
Neste espazo cultural repasamos a gala dos Óscar coa directora de Sala 5, Begoña Vázquez. O filme Green Book obtivo o premio á mellor película. Alfonso Cuarón, mellor director, por Roma. Olivia Colman, mellor actriz por A Favorita. Rami Malek, mellor actor, pola película Bohemian Rhapsody.
Un dos momentos máis emocionantes da noite foi a actuación de Bradley Cooper e Lady Gaga. Os protagonistas do filme Naceu unha estrela levaron a súa química ata o escenario dos Óscar. Lady Gaga obtivo o Óscar á mellor canción orixinal por Shallow.
O próximo sábado será a gala do noso audiovisual, os Premios Mestre Mateo. A gran rivalidade está entre Trote, unha película de autor moi pausada, e A sombra da lei, un filme máis comercial de Dani de la Torre.
Do segredo e a súas formas. Recital de Serxio Abalo.
Música para la Libertad: o rock progresivo na transición en Galicia, Asturias e Cantabria.
O Centro Galego de Arte Contemporánea inaugura Homeless de Ángela de la Cruz. O director Santiago Olmo reclama na presentación máis autonomía para o museo.
Hoxe coñecemos a programación das Letras Galegas 2019, que este ano homenaxean a Antón Fraguas. Falamos con Víctor Freixanes, presidente da Real Academia Galega, a institución que elixe ao autor de cada edición.
Imos tamén ata o Centro Galego de Arte Contemporánea, que inaugura hoxe a exposición Homeless, da artista galega asentada no Reino Unido Ángela de la Cruz.
Os Premios María Casares entréganse o vindeiro 21 de marzo. Neste espazo cultural descubrimos quen son os finalistas.
A peza Commedia estreouse hai 26 anos con grande éxito. Agora volve aos escenarios con Contraproducións. A obra é finalista en 12 categorías, entre elas, mellor espectáculo e mellor dirección. Falamos co seu director, Cándido Pazó.
Divinas Palabras Revolution, do Centro Dramático Galego, é finalista en sete categorías. A leituga opta a cinco galardóns na gala. Invisibles, de Redrum Teatro, e Casa O’Rei, de Ibuprofeno, conseguen catro candidaturas cada unha.
Tamén son finalistas O servidor de dous amor, Anatomía dunha serea, A nena e o grilo máis aló, Arnoia, Arnoia, Patapatúm e Contos de Recreo.
Descubrimos quen son os finalistas dos Premios María Casares. Tamén falamos de libros con Montse Pena Presas e de cine, coa nosa directora de Sala 5, Begoña Vázquez.