Podcast Diario Cultural 10:30
Descubrimos quen era Man, o artista alemán de Camelle, a través dun novo libro ilustrado. Como cada luns, escoitamos música tradicional con Emilio Españadero.
Videos
Coñecemos un pouco máis a Man, o alemán de Camelle
A Editorial Kalandraka publica un álbum ilustrado que condensa o espírito de Man, o alemán de Camele, como persoa e como artista.
Máis de vinte debuxos a lapis da artista Carmen Hermo, unha das persoas que máis loitou nos últimos anos para reinvindicar a figura de Man e preservar o seu legado artístico.
“A arte contemporánea busca a complicidade co lector”, explica a experta, xa que este libro permite que cada lector mire a través dos ollos de Man dunha forma aberta e universal.
Podcast Diario Cultural 14:15
Escoitamos o novo traballo musical de Ataque Escampe. O grupo presenta os discos de rarezas, demos e inéditos ‘Idolos Adolescentes’ e ‘A vida dos animais’.
Neste espazo cultural falamos con Samuel Solleiro, Miguel Mosqueira e Julio Vilariño.
Coralie Yap-Chine comeza unha residencia artística no Modus Vivendi de Santiago
A artista e música francesa afincada en Galicia Coralie Yap-Chine comeza hoxe unha residencia artística no Modus Vivendi de Santiago. Coñecemos con ela o proxecto Circum e falamos tamén outra das súas paixóns: a aprendizaxe colaborativa.
Coñecemos o Ciclo Pank que acolle o Salón Teatro de Santiago
Coñecemos o Ciclo Pank que acolle o Salón Teatro de Santiago cos seus protagonistas, a galega Cristina Balboa e o mexicano Manuel Parra.
Podcast Diario Cultural 9:30
Coñecemos o Ciclo Pank que acolle o Salón Teatro de Santiago cos seus protagonistas, a galega Cristina Balboa e o mexicano Manuel Parra.
O 11 de xaneiro de 1999 estreábase Mareas Vivas. O vinte aniversario da serie no centro da colaboración do presidente da Academia Galega do Audiovisual, Carlos Ares.
Podcast Diario Cultural 14:45
Falamos do filme ‘Elisa e Marcela’ de Isabel Coixet. Tamén repasamos os gañadores dos Premios da Cultura Galega e falamos do libro ‘Natura’ de Iolanda Zúñiga.
Comeza a entrega dos Premios da Cultura Galega
Os Premios da Cultura Galega premian a excelencia creativa en diferentes ámbitos. A gala ten lugar este venres día 11 no Mosteiro de Montederramo, en Ourense.
O grupo ‘A Roda’ recibe o galardón do eido da Música. “Este é un recoñecemento a todos os cantantes populares e a música de raíz”, conta Alfredo Dourado, fillo dun dos fundadores.
Neste espazo cultural falamos con Luz Darriba, galardoada no eido das Artes Plásticas. “Non é momento para a cultura nin para as artes plásticas, pero é moi importante visibilizar o traballo das mulleres”, explica a artista.
O Festival de Cans recibe este recoñecemento na categoría Audiovisual. “Isto non funcionaría sen os veciños, os creadores e todas as persoas que nos apoian porque é un proxecto moi colectivo”, afirma o seu director, Alfonso Pato.
O Festival de Fiot obtén o premio en Artes Escénicas. “Conseguir poñer en valor as artes escénicas dende lugares pequenos é algo moi emocionante”, indica o seu director, Alberto Sueiro.
“O problema do patrimonio en Galicia é que se non o coñecemos, non o podemos valorar”, confirma Antonio Moure, presidente da asociación ‘O sorriso de Daniel’, que vén de recibir o premio no ámbito do Patrimonio Cultural. O presidente define esta asociación como “a voz que cava no deserto do patrimonio galego”.
Ramón Villares obtén o premio na categoría de Proxección Exterior. “Un país é grande en canto que ten unha mirada sólida cara o exterior”, declara nas ondas da Radio Galega.
Na categoría de Letras, o galardón vai para Xosé María Álvarez Cáccamo e, no eido da Lingua, para Antón Santamarina.
- ‹ Anterior
- 1
- …
- 510
- 511
- 512
- 513
- 514
- …
- 565
- Seguinte ›