Bailar é unha forma de transmitir a nosa cultura e coidala para o futuro. Cando queremos conservar as palabras, podemos escribilas. E, para non esquecer as melodías, temos as partituras. Pero, como gardamos os bailes?
A solución son os ‘bailegramas’, que chegan da man do músico Serxio Cobos. “Cando era pequeno decateime da necesidade de escribir o que aprendía no baile”, conta o autor.
Descubrimos os ‘bailegramas’ de Serxio Cobos, creados para converter a música tradicional galega en pezas eternas que o paso do tempo non poda borrar. Como cada venres, Montse Pena recoméndanos obras de literatura infantil e xuvenil.
Celebramos os 20 anos do Festiclown, unha forma única de gozar do humor. Como cada xoves, música con Tito Lesende.
Falamos co escritor Antón Lopo do seu novo libro ‘Extraordinario’, un percorrido pola memoria dunha infancia marcada pola figura materna. Unha historia sobre a xeración que medra nos últimos anos do franquismo.
O escritor explica que a súa obra é unha forma de narrar a vida, como “se sobes a un tren e falas cunha persoa que che conta a súa vida porque sabe que nunca máis vos atoparedes”, confesa Antón Lopo.
A escritora Luisa Castro presenta o poemario ‘Actores vestidos de calle’, publicado pola Editorial Visor. Esta obra chega nove anos despois do seu último libro, un tempo que aproveitou para “reflexionar e ler porque ás veces, a nivel literario, o tempo e a vida piden parar”
Neste tempo, Luisa Castro desenvolveu o seu traballo como directora do Instituto Cervantes, onde descubriu a importancia do traballo colaborativo. Agora volve cunha poesía renovada, froito do diálogo e de reflexión persoal. “Hai tanto sobre o que escribir. Todas as cousas do día son motivo de escritura”, conta a poeta.
O poemario ‘Actores vestidos de calle” fala da soidade do escritor e do que hai no interior de cada persoa. Como é o tempo de silencio cando un escritor deixa de escribir? Que hai detrás de nós cando nos quitamos a máscara?
Lemos o poemario ‘Actores vestidos de calle’ de Luisa Castro. Como cada xoves, as estreas cinematográficas chegan con Begoña Vázquez.
“Phonorama” amenizará a noite de fin de ano na Praza de Cervantes en Santiago de Compostela desde a 01:00 da madrugada. Falamos con DJ Mil para que nos conte un pouco máis sobre a actuación e a súa carreira.
“Phonorama” amenizará a noite de fin de ano na Praza de Cervantes en Santiago de Compostela desde a 01:00 da madrugada. Falamos con DJ Mil para que nos conte un pouco máis sobre a actuación e a súa carreira.
Ademais, xunto á nosa colaboradora Rut Balbís, facemos un balance sobre a situación da danza no noso país.
Falamos co músico Xabier Díaz e imos ata a MOTI de Ourense para vivir cos pequenos da casa a mostra de teatro infantil.
Hoxe viaxamos no tempo ata o 24 de febreiro de 1837, data na que nace a gran Rosalía de Castro. A obra ‘Rosalía de Castro. Cantos de independencia e liberdade (1837-1863)’ de María Xesús Lama e publicada pola Editorial Galaxia vén de recibir o galardón do Premio Nacional de Ensaio 2018, un recoñecemento outorgado polo Ministerio de Cultura.
“Ter un premio nacional de ensaio é unha gran noticia para a cultura galega”, conta María Xesús Lama neste espazo cultural. Nas páxinas da súa obra, o lector pode descubrir unha imaxe diferente de Rosalía. “Os lectores amósanse abraiados despois de ler a obra”, asegura a autora.