Davide Salvado despídese de “Lobos” para centrarse no que será o seu novo espectáculo. Co concerto deste venres na Casa das Crechas, Davide, acompañado por Santi Cribeiro, Carlos Freire e Pablo Dalama, pon fin a unha xira que levou á banda por boa parte do estado, Canadá, Finlandia, Bélxica ou Portugal.
Davide Salvado acompáñanos para falar sobre o fin da súa xira “Lobos”.
Ademais, a nosa colaboradora do mundo audiovisual, Beli Martínez, fálanos sobre David Hernández, un realizador vigués que a semana pasada estreou “A felicidade dos cans” no Festival de Xixón e en Cineuropa.
O proxecto ‘Unha gran burla negra’ crea memoria sobre o Prestige. Neste espazo cultural falamos cun dos seus promotores, Germán Labrador. Tamén presentamos Culturgal, a feira de industrias culturais que se celebra no Pazo da Cultura de Pontevedra a finais deste mes.
A Irmandade da Sanidade é unha asociación impulsora do uso do galego nas áreas sanitarias. Os seus membros, conscientes da desgaleguización que sofren espazos como os hospitais, loitan para que os profesionais do sector empreguen a lingua propia. Desta forma, os pacientes séntense máis acollidos ao ver que o persoal fala no seu propio idioma.
Esta fin de semana, a Irmandade da Sanidade homenaxea ao cineasta e boticario Chano Piñeiro polo seu compromiso coa lingua e a cultura do país. Neste Diario Cultural falamos sobre a vida e obra deste artista con Marilu Casal e Nando Casal. “A botica pode solucionar os problemas do corpo, pero a música é alegría para a alma”, asegura Nando Casal.
A cultura non é cousa de xente de letras, senón que é ‘cousa de todos’ aseguran dende a Irmandade. A unión entre arte e ciencia rompe con este prexuízo erróneo e recorda que a cultura tamén está presente nas ramas científicas.
A Irmandade da Sanidade Galega homenaxea a Chano Piñeiro polo seu compromiso coa lingua e a cultura. Tamén falamos de literatura feminista con Montse Pena Presas.
“Cociñando con bolboretas no bandullo”, un libro de Diana Fernández e David Díaz, ilustrado por Iván Rodríguez e editado por Xerais.
Unha publicación na que cada receita garda unha historia de amor. Relatos que engaiolan con sabor e diversión. Un recetario pensado para os máis cativos, que conta ademais cunha canle de Youtube onde se poden ver as receitas a través dos códigos QR que aparecen en cada unha de elas.
“Cociñando con bolboretas no bandullo”, un libro de Diana Fernández e David Díaz, ilustrado por Iván Rodríguez e editado por Xerais.
Tito Lesende preséntanos o panorama musical desta semana. Brais Morán pecha o ciclo DOCE na Sala Mardi Gras da Coruña este venres 23 de novembro. Ademais, o Coliseum da cidade herculina recibe un dos concertos de Loquillo. En Ponteareas, Santi Araújo presenta este domingo o seu disco “Catedral”, publicado a comezos deste mesmo mes.
Comeza en Pontevedra o foro Urbtopías, un punto de encontro e reflexión sobre o futuro das cidades. Este proxecto reúne no Museo de Pontevedra a expertos do espazo urbano para conversar sobre transformacións urbanas e calidade de vida.
As cantigas das mulleres que traballaban no mar reflicten as duras condicións laborais e visibilizan ás miles de mulleres que sacaron adiante o sector das conservas en Galicia. Este será o tema principal da xornada Café na Memoria que terá lugar este xoves día 22 no Museo do Pobo Galego.
As mulleres cantaban como unha forma de amenizar as longas e esgotadoras xornadas de traballo. Agora, as súas voces convértense nunha fonte histórica fundamental para coñecer o noso pasado.
Hoxe falamos neste ‘Diario Cultural’ con Xurxo Souto, impulsor deste proxecto de recuperación de músicas e cantos de traballo das mulleres do mar.
“Son as mulleres que fixeron país, as que desenvolveron a economía da costa”, explica no noso espazo de cultura.
Celebramos Santa Icía, patroa da música, cunha descuberta: os cantos das mulleres que traballaban nas fábricas de conservas de Galicia, en que se reflectían as súas condicións laborais e a súa realidade cotiá. Tamén falamos de estreas cinematográficas con Begoña Vázquez.