Día das Bibliotecas cunha viaxe a través de varios centros de Galicia. O colaborador Roberto Pascual fala sobre as últimas propostas no mundo das artes escénicas.

A mostra fotográfica ‘Turismo e Fotografía. Català Roca en Galicia’ abre as súas portas na Sala Municipal de Exposicións Kiosco Alfonso de A Coruña ata o mes de xaneiro. Trátase dunha obra que combina a fotografía artística coa documental mesturando o expresionismo vangardista e experimental co documental. A exposición conta con 110 imaxes que representa a veciñanza, o traballo, a festa e o turismo.

Nesta edición de Diario Cultural tamén falamos da nova revista ‘Díxome, díxome’ do audiovisual galego. Esta publicación nace co obxectivo de informar sobre as últimas novidades neste eido e converterse nun punto de referencia para o sector e para toda a poboación.

Asistimos ás Regueifas de Ciencia da Universidade de Santiago de Compostela e escoitamos música clásica da man de Luís Miguel Crespo.

O escritor galego Manuel Rivas presenta hoxe o seu libro ‘Vivir sen permiso e outras historias de Oeste’ na librería Sisargas de A Coruña. Trátase dunha obra formada por tres novelas curtas nas que o tema de fondo é o narcotráfico, pero o relato vai moito máis alá e afonda na condición humana e no dilema de ser libres.

Manuel Rivas explica nesta edición de Diario Cultural que no seu libro a droga está asociada ao poder e aos seus círculos, pero o poder convértese tamén nunha droga. A historia cóntase a partir da voz duns personaxes cheos de matices. O escritor tamén contou que o nome de Oeste fai referencia á condición fronteiriza do lugar no que os seus habitantes viven ‘á beira’, sempre preto do risco.

Concerto didáctico de Suso Vaamonde e Xosé Lois Romero que terá lugar este mércores na Casa das Campás de Pontevedra. Tamén é tempo de repasar recomendacións literarias con Armando Requeixo.

XVI edición da Semana do Cine Euroárabe, AMAL. Reportaxe dende aCentral Folque.

O programa de Radio Galega Música vén de ser galardoado co Premio Xavier Prado “Lameiro” convocado pola xa centenaria Coral de Ruada.

Ademais estreamos o moi agardado primeiro traballo discográfico do grupo Zoelas e escoitamos as músicas de dous grupos, de fóra de Galicia, que serán os nosos convidados no programa do vindeiro domingo. Desde Andalucía uns vellos coñecidos: os Stolen Notes co seu novo disco “The Ocean Road”. E, por primeira vez en Lume Na Palleira, os salmantinos Folk On Crest que nos presentarán o seu disco de décimo aniversario gravado en directo no Teatro Liceo.