Logo de varios anos en xestación, naceu obaixoulla.gal o 16 de novembro de 2019, Día do Patrimonio Mundial. Trátase dun catálogo dixital aberto, que incorpora o patrimonio xeolocalizado da comarca do Baixo Ulla, co propósito da súa valorización, difusión e protección.
Comeza a 58º edición do festival de cine de Xixón, de maneira telemática, e coa estrea de tres filmes galegos.
Verto será a banda invitada no concurso Fran Perez ‘Narf’ da Deputación de Pontevedra que se poderá seguir en liña.
Margarita Ledo presenta o seu novo filme ‘Nación’. Gañou un premio á mellor dirección española no Festival de Sevilla e está a recibir un gran recibimento en Cineuropa. A película conta a historia do peche da fábrica de Pontesa a principios de século dende o punto de vista das súas traballadoras.
As Microrresidencias Verbum son o proxecto co que o Festival Sinsal remata este estraño 2020, que muda a proposta habitual escénica de concertos e actuacións con público cara unha iniciativa a porta pechada.
Trátase dunha experiencia de investigación e experimentación arredor do son, a luz, as proxeccións e un espazo integrador e coprotagonista, o Verbum de Vigo.
Algúns dos artistas que dialogarán co espazo neste Sinsal de outono son os irmáns Yugen Kala e Monte Piñeiro do Colectivo Nononon.Lab.
Chega a España o manga ‘Metamorfosis BL’. É a primeira obra que é licenciado aquí da súa autora Kaori Tsurutari. Foi multipremiado no seu país de orixe.
Falamos cos gañadores dos premios Álvaro Cunqueiro (Carme Varela) e Barriga Verde de textos teatrais (Esther F. Carrodeguas e Carlos Losada-Galiñáns).
A Biblioteca de Verín acaba de recibir o premio da XX Campaña de Animación á Lectura María Moliner polo seu proxecto “Voluntariado cultural con chic@s para o fomento da lectura”.
No Diario Cultural falamos con Vicente Rodríguez, o seu director.
Comeza o Carballo Interplay, o festival de contidos dixitais referente en Galicia, do 18 ao 21 de novembro. Será en formato dixital, fiel á súa orixe, coa estrea da webserie ‘Xan’.
Falamos con Sonia Mendez, directora do festival.
Tres Pesos e folk galego dende a cidade alemá de Leipzig protagonizan a colaboración semanal de Emilio Españadero