Victor Carou é o director artístico, do Ateneo 2020, un ciclo de música barroca en Santiago de Compostela. As entradas xa están totalmente vendidas nesta cidade, a máis barroca de Galicia. O seu número foi moito menos do habitual debido ás medidas que se tiveron que tomar por mor da COVID-19. 

Entrevistamos a Nerea Barros, a protagonista da nova película de Paula Cons, ‘A illa das mentiras. A actriz cóntanos o que agarda da película, a súa visión do traballo de Cons e ata como se desenvolve cando as cámaras non están un actor con tanta experiencia como o arxentino Darío Grandhinetti.

A Domus da Coruña acollerá desde o 2 ao 4 de outubro a I Edición de CINEMABEIRO, a I Mostra Internacional de Cinema pola Paz e a Non violencia. Propón ser un espazo de reflexión sobre os Dereitos Humanos en Galicia.

Outro tipo de cinema, menos comercial e máis social é o que poderemos atopar en CINEMABEIRO, con temas como a precariedade laboral, a emigración, o cambio climático ou a igualdade. 

Nova tempada para a Orquestra Sinfónica de Galicia, desta vez no Coliseum da Coruña, para asegurar o distanciamento social e as medidas de seguridade tanto para o púbilco como para os músicos. 

A tempada 2020/21 terá un marcado acento galego, xa que ata 11 agrupacións de cámara estrearán 20 obras de compositores galegos de diferentes xeracións e estilos creativos.

Andrés Lacasa, xerente da orquestra, quixo lembrar ao histórico trompetistas John Aigi, recentemente falecido, ao que se lle dedicará a temporada.

O documental ‘Perrunillas’ de Almudena Parro participa no festival de cine documental ‘Alcances’, en Cádiz.

Almudena Parro rodou esta obra durante o confinamento. Unha historia que nace na casa dos seus avós e narra realidades da vida cotiá. Na programación de ‘Alcances’ podemos desfrutar desta creación a través da plataforma Festhome.

A Cidade da Cultura acolle “Galicia, de Nós a nós”, con máis de 300 pezas e que aspira a ser a exposición máis ambiciosa e completa sobre a Xeración Nós. É unha das citas que non poden faltar na axenda cultural deste 2020.

O Museo Centro Gaiás acolle obras procedentes de Francia, Alemaña e Portugal, que narran a conexión internacional da revista e os seus creadores con outros puntos do mundo.

Destaca o legado do grupo no desenvolvemento e internacionalización da nosa lingua e cultura.