Vivas. As 8 mulleres protagonistas da longametraxe de Rubén Riós están vivas, e nesa vida hai medos, dificultades, terror, supervivencia… e tamén alegrías e superación. 8 mulleres, víctimas de violencia de xénero, que non quixeron que as súas historias foses un número máis dunha estatísticas e por iso queren contalas.

‘Vivas’ é o novo proxecto audiovisual do actor e director Rubén Riós, que combina realidade e ficción para falarnos desas outras pandemias: a da violencia contra as mulleres e a da soidade non desexada.

Este venres, 10 de setembro, comeza a quinta edición da Selic, a Semana do Libro de Compostela, un festival da lectura no medio dunha pandemia. Ata o domingo 19 a rúa do Vilar, na súa desembocadura na praza de Praterías, a Selic será o punto de encontro para as lectoras e lectores da cidade. Trátase de compartir lecturas, de conversar e profundar no que se le; xa que ler segue sendo o principal comportamento cultural da humanidade.

Despois dunha difícil época, o teatro galego reúnese para celebrar a 25ª edición dos Premios María Casares. No Diario Cultural falamos con Xosé Barato, presidente da Asociación de Actores e Actrices de Galicia, e máis con Paula Carballeira, que será unha das encargadas de conducir a gala.

Encontros musicais ás beiras do rio Miño

Máis de cen filmes serán proxectados no Festival Internacional de Curtametraxes de Bueu entre os días 10 e 19 de setembro. No Diario Cultural falamos con Severiano Casalderrey, subdirector do FIC Bueu, e con Alfonso Agra, que recibirá no certame o premio Cinema Galego FIC Bueu.

Logo da súa estrea no FETEGA, o Centro Dramático Galego levará a súa nova obra, “Serva me, servabo te”, ó Salón Teatro de Santiago de Compostela. De todo isto e máis falamos con Belén Bouzas e con Diego M. Buceta.

Roberto Pascual comeza a súa colaboración desta temporada coa lectura de ‘As desterradas’, de Carme Varela, a obra coa que levou recentemente o Premio Álvaro Cunqueiro de Textos Teatrais. 

A peza recrea a historia de resistencia dun grupo de monxas fronte ao poder, representado pola Coroa, que pretende afastalas do seu fogar e pertenzas. A historia dun espolio que é tamén a historia do baleirado do rural galego. 

A vila de Allariz convírtese por cuarto ano consecutivo na salvagarda do humor, da comedia, do bo rollo. As protagonistas do Festival Rir son as curtametraxes, pero na vila haberá desde esta tarde concertos, monólogos, conferencias, obradoiros… e o premio especial deste ano, o “Rir Contigo”, que lle entregarán a Xosé Antonio Touriñán.