Recolle unha memoria de covas e túneles que atesouran coñecemento e imaxinación.

Xa está en marcha o proceso para a declaración da foliada como Ben de Interese Cultural, unha figura de protección especial para o noso patrimonio material e inmaterial. Debullamos o informe técnico solicitado pola Dirección Xeral de Patrimonio con tres das investigadoras que o realizaron os antropólogos Beatriz Busto e Félix Castro e a etnomusicóloga Xulia Feixóo. 

Mónica Maneiro recoméndanos dúas mostras para os últimos días de 2022. A exposición dedicada ao artista Guillermo Monroy en SVT Espazo de Arte, en Vigo, e mais ‘Sequitur’, a proposta de Julia Huete que pode visitarse na Zona C de Santiago ata o 11 de febreiro. 

O espazo que conduce e dirixe Alfonso Pardo saca á luz unha carta que Eduardo Blanco Amor lle dirixiu en 1961 a Benito Villamarín, industrial e presidente do Betis, natural do concello ourensán de Toén. Na misiva o escritor agradécelle a Villamarín a súa axuda para volver á Península. A carta gárdaa a familia de Villamarín e o ‘Convivir deportivo’ descubriuna este mes de decembro nun programa emitido desde Toén. 

A vexetariana é unha das obras máis coñecidas da escritora surcoreana Han Kang e recibiu galardóns como o Man Internacional ou o premio San Clemente do instituto compostelán Rosalía de Castro. Rinoceronte Editora publícaa agora en galego, en tradución de Alba Verea Pérez. Dolores Vilavedra fálanos desta curiosa obra, primeira tradución do coreano ao galego.