O Consello da Cultura Galega inicia hoxe o ciclo Xornadas de Mediación Cultural baixo o título Da animación sociocultural á cultura colaborativa: conceptos, debates e boas prácticas de participación cidadá en cultura. Para coñecer todos os detalles destas xornadas falamos cun dos seus coordinadores, Marcos Lorenzo.

Pero hoxe tamén coñecemos algúns dos segredos que nos agardan este xoves no Salón Teatro do CDG, en Santiago de Compostela, porque ese día estrean a súa produción propia deste ano, Neorretranca e postmorriña. Un espectáculo composto por dúas pezas:  Fantasía nº 5 en sol ou non, de Esther F. Carrodeguas, e Boisaca ou a divina desgraza, de Roi Vidal Ponte.

E tamén hoxe presentouse Pontepoética, o Festival Internacional de Poesía de Pontevedra que celebra unha nova edición a partir de mañá e ata o domingo.

Nesta edición do Diario cultural falamos co compositor Jorge Godás que o vindeiro 28 de abril estará no festival Minry canta pola paz, que se celebra na cidade de Minry, situada na República de Yakutia, no corazón de Siberia. Alí presentará, xunto co siberiano Vladislav Soldatenko, The Timesound, un conxunto de pezas en que se recrea a vida na cidade de Minry, situada arredor dunha mina de diamantes a ceo aberto.

Tamén, e coma cada luns, Rosario Sarmiento falános de arte. Nesta ocasión achéganos a mostra Nos dominios da urxencia. Arte e sociedade na Coruña da Transición (1973-1986), que se pode ver na Fundación Luis Seoane da Coruña.

Nesta edición do Diario cultural celebramos os premios que concede a Asociación Española de Críticos Literarios na súa sección de lingua galega en 2018, e facémolo cos premiados, os autores galegos Pilar Pallarés e Antón Lopo. A obra Tempo fósil, de Pilar Pallarés, foi a galardoada no apartado de poesía; e Extraordinario, de Antón Lopo, no de narrativa.

Ademais, hoxe tamén coñecemos o ciclo Dramaturxias itinerantes, que comeza hoxe en Compostela e que no día de mañá se desenvolverá en Vigo. Trátase dunha iniciativa do Consello da Cultura Galega, o Camões, Centro Cultural Portugués en Vigo e a Escola Superior  de Arte Dramática de Galicia, para favorecer encotros entre unha dramaturga galega e unha dramaturga portuguesa.

Nesta edición do Diario Cultural falamos do festival de pop e rock ‘Melona Fest’ que dende o mércores estase a celebrar en Santiago de Compostela . Trátase da cuarta edición dun festival que busca a pluralidade e por iso conta con bandas locais, galegas e nacionais como é o caso do compostelán Nico Casal que presenta hoxe no Teatro Principal de Santiago de Compostela o seu primeiro traballo discográfico.Para coñecer todos os detalles falamos con Nico Casal e tamén co director de ‘Melona Fest’ Coque Dosil.

Tamén coñecemos o cartaz do Festival 17º Ribeira Sacra Paisaxe que se vai a celebrar nesa zona galega do 17 ao 21 de xullo.

E, por último, colaboración de música de Tito Lesende sobre os concertos que nos agardan os vindeiros días e Galicia.

Nesta edición do Diario Cultural comezamos falando da Ribeira Sacra, que ven de ser escollida como a candidata española a Patrimonio da Humanidade da UNESCO para 2021, e facémolo xunto con  Ana Goy, Catedrática de Historia da Arte na Facultade de Humanidades da USC e coordinadora do expediente que se presentou en San Estevo de Ribas de Sil ao comité do Estado español. Ana Goy: “Probablemente é un dos paisaxes a declarar máis complexos, precisamente pola gran diversidade de bens que ten e de manifestacións culturais tanto materiais como inmateriais”

Tamén hoxe Faia Díaz preséntanos «Ao cabo leirín» , o su primeiro disco en solitario que presentará esta tarde no Cinema NUMAX de Compostela que está a organizar unhas sesións de cinema para escoitar e que se desenvolveran ao longo desta fin de semana.

Programa especial do ‘Diario Cultural’ dende o festival internacional de cinema Play Doc que se está a celebrar estos días en  Tui.  Acompáñannos a directora do festival, Sara García; a nosa colaboradora Beli Martínez que é directora do programa Panorama Galicia do festival; Camila José Donoso, a directora da película ‘Nona, si me mojan yo los quemo”que compite na sección oficial; e Iria Sanjurjo, directora de “Empapelaos-Valverde de la Vera” filme da sección Panorama Galicia.

Nesta edición o Diario Cultural falamos coa galega Ana Vallés, de Matarile Teatro, que ven de converterse na única galega que está nomeada aos XXII Premios Max de Artes Escénicas. Logrouno na categoría de mellor dirección de escena polo seu traballo en “Circo de pulgas”. Tamén falamos con Paula Carballeira, autora do libro “Hai quen escolle os camiños máis longos” de Edicións Positivas. E, por último, ímos ata a tenda de Nikis Galicia de Santiago de Compostela porque alí se presenta a imaxe, canción oficial e o filme de apertura da edición de 2019 do Festival de Cans.