Radio Galega
O futuro do océano no Festival Mar de Mares
O festival Mar de Mares chega á oitava edición convertendo A Coruña en centro do debate sobre a sustentabilidade mariña. Conversamos co biólogo e explorador mariño Manu San Félix e coa documentalista e activista brasileira Bárbara Veiga, que exporán no festival as súas fotografías e manterán varios encontros co público.
Un congreso internacional polo centenario de Emilia Pardo Bazán
Poñentes de diversos países do mundo participarán do Congreso Internacional Emilia Pardo Bazán no seu centenario: literatura e vida nos séculos XIX, XX e XXI. No Diario Cultural, conversamos con Eva Acosta, que chega de Sevilla coa conferencia “Mucha fuerza, mucho carácter, mucha personalidad. Emilia Pardo Bazán en un siglo de mujeres”.
O lobo de Uxío á espreita no Camiño
No Diario Cultural puxemos a Vituco Neira a camiñar. Pero non un camiño calquera; un camiño cultural e poético. ‘Poetas no camiño’ é unha proposta da Fundación Uxio Novoneyra a través do seu proxecto de residencias poéticas ‘Ámeto Mítico’, que reúne a escritores de todo o mundo para facer o camiño e logo reflexionar sobre a súa experiencia na casa de Uxío no Courel.
Vituco camiñou e falou cos poetas Arancha Nogueira, Luís López Alonso, Pilar Astray, Adam Wyeth e Agnes Marton.
Podcast ‘Diario Cultural’ das 10:30
‘Poetas no Camiño’, as residencias poéticas da Fundación Uxío Novoneyra. Roberto Pascual fálanos de ‘Morgana en Esmelle’.
Lecturas para o instituto
Falamos con Penélope Pedreira, que escolmou e traduciu poemas de Walt Whitman para o libro Oh, capitán!, publicado por Sushi Books. Conversamos sobre as lecturas recomendadas no ensino con Pedreira, que é tamén docente en Secundaria
Diario Cultural das 17:30
Revivindo a Walt Whitman, repasando as lecturas do instituto e coa música folk que pica para nós Emilio Españadero.
Alguén que respira! reúne na súa terceira xornada grandísimas poetas galegas
A cuarta edición do festival Alguén que respira! 2021 reúne hoxe martes no Teatro Principal de Compostela a Olga Novo, Chus Pato, Eva Veiga, Luz Fandiño, Elvira Riveiro, Yolanda Castaño, Andrea Nunes, Luz Pichel, Alba Cid e Miriam Ferradáns.
- ‹ Anterior
- 1
- …
- 192
- 193
- 194
- 195
- 196
- …
- 369
- Seguinte ›