O colectivo poético formado nos anos 70 por Antón Reixa, Manuel Romón e Alberto Avendaño publica ‘Que hostia din os rumorosos?’.

Vituco falou con Jamas, de Dios ke te Crew, que ven de publicar o seu primeiro libro “DIARIO DUN PIRATA CONFINADO” coa editorial URUTAU. Tamén falaron do recente “OG” dos DKTC.

O historiador Francisco Leira-Castiñeira recolle a memoria fotográfica dos galegos 
que se viron obrigados a loitar no exército sublevado durante a guerra civil. A editorial Galaxia publica o seu libro ‘Soldados forzosos. A memoria esquecida da guerra civil’ 

Unha reportaxe de Érika Martínez sobre todas as curiosidades do tap, mellor coñecido como claqué ou zapateado. 

Para María Moliner, o acceso aos libros era un símbolo de progreso, pero que ocorre cando non hai bibliotecas? A Bamad, a Asociación de Profesionais dos Arquivos, Bibliotecas, Museos e Centros de Documentación de Galicia analizou as estatísticas bibliotecarias e destaca varias eivas neste servizo público galego. 

Faltan bibliotecas no rural e nas cidades, falta persoal cualificado, falta financiamento… Como se pode mellorar a calidade das nosas bibliotecas?

Investigámolo con Xoán Manuel Pérez Lijó, secretario da Bamad, e Isabel Blanco, coordinadora da Rede de Bibliotecas Municipais da Coruña.