Manuel del Río está de estrea co documental ‘Enrique Macías. A lira do deserto’, que revisa a vida e obra do compositor galego no 25º aniversario do seu pasamento. É a primeira peza documental sobre o compositor vigués. 

Davide Salvado e Abe Rábade puxeron música ás coplas de Daniel Pardo no proxecto “Emerxencia: Freixo”, un canto ás árbores. 

A galería de arte ‘Luisa Pita’, en Santiago de Compostela, propón visitar a exposición “Feliz Encontro” de maneira virtual. Os autores das obras son Felipe Ortega, María Ortega e Sandra Carvalho. 

A compañía de teatro de Compostela ‘Oistes?’ estrea ‘Inverno’, unha obra interactiva de 24 horas. Poderá seguirse a través da aplicación ‘Zoom’ o sábado e domingo. 

O guitarrista Samuel Diz vén de publicar un novo proxecto musical, gravado en casas literarias, ao abeiro do Fondo de Proxectos Culturais Xacobeo 2021. 

Suso Lista presenta a súa última novela ‘Como a roda do muíño’.