Todas as colaboracións
“Palabras contra a violencia”: ‘O grupo’ de An Alfaya e ‘Bicos e non balas’ de Antonio García Teijeiro.
Montse Pena Presas aborda as ‘palabras contra a violencia’ a través de dous libros: ‘O grupo’ de An Alfaya e ‘Bicos e non balas’ de Antonio García Teijeiro.
Lugo prepárase para o Caudal Fest
Esta fin de semana hai dous eventos pop. Un de interior: o Caudal Fest, os días 20 e 21 en Lugo, que pon a guinda aos grandes festivais do verán. A piques de esgotarse a capacidade do recinto, milleiros de persoas estarán en Lugo para ver, entre outros, a Xoel López.
Pero, se preferimos costa, temos este sábado outra convocatoria na beira do mar: o Barbeira Season Fest, en Baiona, o sábado 21 de setembro. Entre os participantes está o grupo de trap en galego Boyanka Kostova.
O lanzamento discográfico importante da semana é o debut de Amaia Romero, a navarra gañadora de OT 2018, que dende o principio tratou de desmarcarse da corrente máis comercial doutros ex participantes nese concurso.
E, para despedir, ímonos preparando para a Festa do Marisco do Grove (3 a 12 de outubro), que xa anunciou unha programación musical na que destacamos nesta ocasión á irlandesa Imelda May, que recunca en Galicia.
Ad Astra, o novo filme de Brad Pitt, chega ós cines
Na súa colaboración semanal, a directora de Sala 5 Begoña Vázquez trae tres propostas cinematográficas:
“Ad Astra”, o novo filme espacial protagonizado por Brad Pitt; a existosa serie “Dowtown Abbey” que chega aos cines; e “Cegado pola luz”, baseado na vida de Bruce Springsteen
Como naceron os cómics de Batman?
Carlos Portela
Recursos web para o teatro galego
Facemos un repaso por unha serie de recursos on line que nos permiten coñecer, ler, informarnos e conectarnos coa práctica escénica (galega). Poder facer comunidade, ter en conta ás persoas espectadoras, termos acceso a análises e estudos críticos sobre teatro, facer circular información sobre eventos, iniciativas, mesas de debate, cursos, etc., son fundamentais os espazos abertos e as novas canles de comunicación e que así os espectáculos non fiquen aillados nos teatros e ás veces desapercibidos na axenda cultural.
Nesta ocasión queremos destacar dúas webs novas: mundoescenico.gal e escenanorte.com.
A primeira nace como unha plataforma comunitaria para dar a coñecer eventos escénicos e musicais e para intercambiar ofertas e demandas de servizos profesionais coma unha rede social. A segunda é unha web asociada a un proxecto das asociacións profesionais de teatro de Galicia, Asturias, Cantabria e País Vasco: Camiño Escena Norte. Unha nova iniciativa de circulación de espectáculos profesionais entre as comunidades do norte, próximas pero se cadra moi descoñecidas aínda. Un novo xeito de achegarnos máis ao teatro e de que nos coñezan mellor a nós tamén.
O teatro que loita contra o efémero, a súa aparente característica esencial, é o que ten máis garantías de sumar, consolidar, documentar e transformar as vías de progreso.
Escoitamos a grande fadista Maria Amélia Proença
Comezamos a nova tempada de colaboracións con moita música portuguesa e o protagonismo da grande fadista Maria Amélia Proença, o instrumentista Márcio Pinto homenaxeando ao Zeca Afonso e o propio José Afonso ao vivo en dúas gravacións históricas publicadas este mesmo ano.
Ademais, como adianto dos contidos do próximo Lume Na Palleira , ofrecemos unha das pezas incluidas polo grupo Os Melidaos no seu novo disco. Un traballo que presentarán no programa o vindeiro domingo.
Xulio Lorenzo presenta o seu novo traballo, ‘Volver Soñar’
En primeiro lugar escoitamos hoxe unha peza de orixe portuguesa que Xulio Lorenzo incluíu no seu novo traballo “Volver Soñar”, un disco que presentará o vindeiro domingo no programa Lume Na Palleira.
A continuación, aproveitando esa ollada ao veciño Portugal, ofrecemos dúas novidades discográficas do país veciño. En primeiro lugar o novo disco dun supergrupo no que se reunen os talentos de Celina da Piedade, Serafim, João Gil, Vicente Palma, Paulo Ribeiro, Sebastião Santos, Tim e Vitorino. Todos eles e ela forman osTais Quais.
Como peche escoitamos o novo disco dos Gaiteiros De Lisboa, un grupo xa histórico que nunha das pezas do seu novo traballo homenaxean ao gran Faustino Santalices.
Imos ata a exposición do artista Patrick Hamilton en Santiago
No programa de hoxe, Rosario Sarmiento falará do artista Patrick Hamilton, que ten a súa primeira exposición individual en Galicia, na Fundación DIDAC en Santiago
Artista cunha obra de carácter conceptual. O traballo de Hamilton desde finais dos anos noventa tivo como fío conductor a reflexión e cuestionamiento dos conceptos de traballo, desenvolvemento económico, mito e historia no contexto das últimas décadas en Chile, o país onde vive e traballa a cabalo con España.
Nesta mostra que aglutina baixo o nome de ‘El ladrillo II’, parte dun libro de política económica no que se estableceron as pautas do sistema de libre mercado que foi implementado en Chile pola ditadura militar. A partir do mesmo establece unha reflexión creativa poética, de gran potencia visual sobre conceptos como: equilibrio/desequilibrio, igualdade/desigualdade, regulación/ desregulación, individuo/comunidade.
“200 gramos de patacas tristes”, do poeta berciano Juan Carlos Mestre
A obra ‘200 gramos de patacas tristes’ do poeta berciano Juan Carlos Mestre na ollada da crítica literaria Alba Cid. O primeiro poemario en galego do autor xunta máis dun centro de poemas en prosa que publica Espiral Maior na súa colección Alba Longa.
- ‹ Anterior
- 1
- …
- 131
- 132
- 133
- 134
- 135
- …
- 175
- Seguinte ›