Rut Balbís recomendanos ‘SOMA’ que se presenta os vindeiros 25 e 26 de maio no Salón Teatro de Compostela.
SOM é a primera colaboración entre o coreógrafo e investigador Javier Martín e o escultor e performer catalán Joaquin Jara en coprodución co Centro Dramático Galego. Xunto con eles tamén está o iluminador Octavio Mas e o artista sonoro Artur M. Puga.
Neste Diario Cultural con Roberto Pascual falamos de Vida de Cans, un espectáculo da compañía Talía Teatro, escrito e dirixido por Cándido Pazó.
Vida de cans é unha alegoría sobre a sociedade moderna, sobre a vida, sobre a liberdade. Cándido Pazó mestura humor, emoción e actualidade nesta nova produción de Talía, un espectáculo asentado no traballo textual e a partir da creación de tres tipos distintos de roles, personalidades ou razas caninas.
Unha escenografía sinxela, que representa o encerro ou recinto cunha fechadura con gran protagonismo visual. Unha peza entretida, efectiva e que nos fai pensar nos costumes, na liberdade, na vida humana coa distancia da mirada canina, ou da perspectiva inocente e rexoubeira do xogo?
Luís Miguel Crespo continúa a celebrar o Mes das Letras e fálanos de como a música e o texto en galego confluíron en multitude de ocasión, nacendo así algunhas das mellores composicións que deu a nosa música. Hoxe achéganos ao século XIX e as Melodías Galega.
Esta semana Armando Requeixo vén cargado con dúas propostas narrativas ben amenas para as horas de lecer: as novelas Os días felices de Benvido Seixas, de Eduard Velasco, e mais Bergan, de José Lorenzo Tomé.
Os días felices de Benvido Seixas (Xerais) é a historia dun amor tan intenso coma complexo: o dun dandy vigués que vive rodeado de luxos e amigos snobs e unha camareira pontevedresa imbuída na loita revolucionaria do proletariado. Unha feliz casualidade fainos encontrarse e a paixón non tardará en agromar. Mais o que o Amor une non dura para sempre… ou si?
Bergan (Baía) é unha novela iniciática protagonizada por un mozo á procura da memoria secreta de Dóniga, a civilización perdida dos devanceiros, a terra da Cidade da Estrela onde a luz irmandaba antes da chegada dos tempos escuros de Ténebro. Unha viaxe física que é, antes nada, unha viaxe mítica, identitaria e simbólica na que se nos convida a repensar os grandes conceptos do Tempo e a Morte e a nosa relación coa natureza e o ente social.
Rosario Sarmiento preséntanos a mostra ‘Flor Novoneyra’ do pintor Antón Lamazares como homenaxe ao poeta lugués Uxio Novoneyra.
Comezamos a colaboración de hoxe felicitando ao grupo salmantino Folk On Crest por ter gañado, co seu disco “10 Años En Directo”, o Premio MT ao Mellor Disco Folk 2019 do Reino de León.
A continuación músicas de orixe galega feitas fóra das nosas fronteiras, concretamente en Miranda Del Ebro polo grupo Noites De Rock E Meigas e en Euskadi por Folketan.
Como peche, estreamos hoxe a peza “Durmo Na Punta Dos Montes” que nos ofrecen Ana Fernández e Cristian Silva.
Nova achega de Manuel Vicente sobre a ciencia na cultura.
O presidente da Academia Galega do Audiovisual adianta as actvidades da institución no Festival de Cans.
Os amigos dos músicos presentan novo disco, titulado ‘Segundo Fogar’. Descubrimos todos os detalles na colaboración de hoxe con Tito Lesende.
Carlos Portela achéganos hoxe a dúas obras: A xoven Frances e A xente honrada