O Fanzine Fest leva música electrónica de vangarda e artes visuais a diferentes espazos da Coruña durante esta semana. Do Planetario á fundación Luís Seoane, da Domus á sala O Túnel. Conversamos con Pablo Cubeiro, un dos directores do Fanzine Fest, e con Óscar Domínguez, membro do colectivo MOM, un grupo artístico coruñés que propón este mércores unha instalación sensorial interactiva na igrexa das Capuchiñas.
A Real Academia Galega e a Fundación Barrié buscan a Palabra do Ano 2023! As suxestións do público a través do Portal das Palabras recolleranse ata o domingo 10 de decembro ás 23:59 horas para posteriormente someterse a votación popular do 12 ao 25 deste mesmo mes.
Álvaro Martínez Leiro, cesteiro de Pazos de Borbén, é candidato ó Premio Nacional de Artesanía e a cesteira Julia de la Cal, co obradoiro La Parabólica de Porriño, está nomeada na categoría de Emprendemento.
Programa especial monográfico desde Culturgal, a feira das culturas galegas. Conversamos coa música Helena Egea, coas ilustradoras María Montes e Andrea García Martínez, a presidenta da Fundación Moldes, May Martín e algúns dos expositores desta décimo sexta edición da feira. Tempo tamén para os videoxogos con Luz Castro e para a literatura infantil con Eva Mejuto.
Teatro do Noroeste estrea esta finde “As damas de Ferrol” no Teatro Jofre ferrolán. Trátase dunha nova versión dirixida por Clara Gayo a partir do texto orixinal de Eduardo Alonso.
“É desexable unha colección permanente no CGAC? E de ser así, serían necesarios novos espazos ou máis espazo para o CGAC?”
Pedro de Llano Neira modera as mesas sobre “Coleccións públicas a debate: A colección CGAC” que se inscriben na programación do 30 aniversario do centro.
O Museo de Belas Artes da Coruña acolle a exposición “Viaxar para pintar” ata o 10 de marzo de 2024
Trátase dunha mostra que reflicte a estadía do artista en Galicia, complementada con obras de artistas galegos cos que estableceu unha relación próxima. A súa comisaria é Sonia Martínez Requena.
“Hai que ofrecer olladas diversas do rural porque segue habendo moito preconceito sobre como é ou como foi a vida no rural”. As memorias da infancia protagonizan Cinco corujas o novo libro da escritora Susana Sanches Arins.
‘Os suicidantes’ é unha distopía ambientada en Santiago de Compostela, nun futuro deshumanizado no que se estende entre a poboación a ‘gran dor’, que lles quita as ganas de vivir. É a primeira banda deseñada do novelista Diego Ameixeiras, en colaboración co ilustrador Tomás Guerrero. Os dous autores explícannos algunhas das claves desta historia negrísima de alento humanista publicada por Edicións Xerais.
O laberinto de emocións que nos trae ‘O tempo dos lagartos’. Falamos co escritor Carlos Negro sobre a súa última obra, elaborada xunto a Raquel Senra para Xerais.