A figura do autodidacta e artesán Xosé Manuel Seivane foi clave para situar a gaita, o instrumento galego por antonomasia, no mapa do mundo. Coincidindo coa publicación A gaita con maiúscula, do profesor universitario da Universidade da Coruña Xosé Manuel Sánchez Rei, dá conta dos aspectos máis importantes da vida de Seivane, non só dende o punto de vista da súa faceta como artesán, tamén tendo en consideración a familia, as amizades, o seu contexto vital e cultura.

Unha obra, en definitiva, que se torna indispensable para as persoas que aman a música tradicional ou que coñeceron Seivane.

O espectáculo, baseado na retroalimentación entre movementos e sons prodúcese porque o bailarín leva un sistema de microfonía que funciona como sensor da acción que os instrumentos amplifican e modifican mediante altofalantes de vibración. Estes elementos, e a manipulación dos instrumentos por parte dos intérpretes, permiten xerar sons orixinais froito da interacción. Instrumentos, músicos e bailaríns acaban converténdose, todos eles, nun corpo ampliado que emite e recibe vibracións ata o punto de rozar un estado de absoluta meditación.
 
O concerto performativo preséntase o sábado 24 de outubro ás 20.30 h no Teatro Colón, na Coruña, con Pablo Coello (saxofón), David Durán (piano), Diego Ventoso (percusión), Ignacio Barcia e Ramón Souto (dispositivos sonoros) e Javier Martín (movemento e dirección escénica). A dirección musical é de Ramón Souto e a iluminación de Octavio Mas.

Malasombra Teatro ía presenta ‘SÓS’ en Ribeira este venres, pero quedou adiada ao 6 de decembro polas restricións da Covid. 

Falamos con Xoque Carvajal, director da compañía, sobre ‘SÓS’, ‘A tartaruga Manola’ e ‘Bernarda’, as obras que teñen en escena. 

A súa obra máis recente, ‘SÓS’, é unha reflexión cómica e dramática sobre a vellez, a convivencia e a soidade das persoas maiores. Os protagonistas son Rodrigo e Marcelino, dous homes octoxenarios que se ven obrigados a compartir piso. 

Onte celebráronse os premios Martín Codax da Música Galega con moita música en directo no Pazo da Cultura de Pontevedra e retransmisión por streaming. 

Son moitos os galardoados nestes premios da música galega e non podíamos telos a todos no programa de hoxe, polo que traemos unha mostra dalgúns dos gañadores.

Comezamos coa Banda de Música de Merza, que estreou a categoría de Mellor Banda.

Falamos con Laura Lamontagne, da categoría de música urbana.

Tamén estivemos con Taller Atlántico Contemporáneo, da categoría de música clásica e contemporánea.

E por último, con High Paw, da categoría ska e mestizaxe.