Colmeiro, cor e sentimento contitúe unha revisión da obra de Manuel Colmeiro, un dos pintores chave na historia da arte galega do séculoi XX, desde unha optica diferente: analizando a importancia da cor na sua obra a través de case cen pezas, a maioría óleos, correspondentes a seis décadas de creación artística.

A comisaria da mostra, na Fundación Luis Seoane da Coruña, a artista plástica Mónica Alonso, constrúe un percorrido expositivo que permite ao espectador mergullarse na obra do artista a través do emprego que este fai da cor: os azuis e verdes, básicos na súa pintura, presentes nas súas paisaxes, no mar; os amarelos e laranxas para a luz, para iluminar a roupa e expresar emocións como a ledicia; os vermellos, menos frecuentes, como ferramenta de contraste; os marróns da terra, que atenúan a dureza dos grises e os negros do rigor da existencia e do horror da guerra.

Rosario Sarmiento dános claves para este novo ano no ámbito artístico e recoméndanos catro exposicións que poderemos visitar nos primeiros meses de 2022 na Coruña, Santiago e Vigo e que protagonizan os artistas Manuel Colmeiro, Peter Lindbergh, Hamish Fulton e Teresa Moro.

Rosario Sarmiento vóltanos visitar para repasar as exposicións máis chamativas neste ano 2021, como “Os corpos presentes”, “Solovki. Fotografías”, “Accións peregrinas” e “Moscoso Cosmos: o universo visual de Víctor Moscoso”.

Rosario Sarmiento lévanos de visita artística á Coruña, concretamente ó Museo de Belas Artes. Alí está a ser exposta unha colección do pintor coruñés Alejandro González Pascual (1930-1993), unha das figuras máis singulares das últimas décadas do século XX da plástica galega, e da que a nosa colaboradora de arte nos quixo dar parte e aproximación.