Radio Galega

‘Os Andares’, viaxes sonoras para camiñar a comarca dos Ancares

‘Os Andares’ é unha serie de viaxes sonoras para acompañar camiñadas pola comarca dos Ancares. Unha proposta de docuficción baseada na investigación sobre o patrimonio da comarca, na evocación sonora e na escrita de María Lado, Clara Gayo ou Avelina Pérez, entre outros autores. ‘Os Andares’ percorre en cada episodio un itinerario por un dos seis concellos da comarca: Navia de Suarna, Becerreá, As Nogais, Pedrafita do Cebreiro, Cervantes e Baralla.

Conversamos con José Díaz e Marcos PTT, codirectores canda Iria Azevedo deste proxecto, que xa pode consultarse na web osandares.com

Podcast Diario Cultural das 17:30

‘Os Andares’ é unha serie de viaxes sonoras para acompañar camiñadas pola comarca dos Ancares. Unha proposta de docuficción baseada na investigación sobre o patrimonio da comarca, na evocación sonora e na escrita de María Lado, Clara Gayo ou Avelina Pérez, entre outros autores. Na sección de voces expertas, viaxamos con Mario César Vila á Torre de Doiras e ao Museo Arqueolóxico de Ourense.

‘Respirando sempre’, novo disco de Factoría de Subsistencia

O músico e actor Josito Porto presenta no Diario cultural o seu novo traballo ‘Respirando sempre’. Son nove cancións, músicas atemporais que van máis alá das modas. Josito Porto cóntanos que os músicos escriben sobre a rutina e a vida que teñen ao redor. Escribir sobre a vida real fai que sexa doado identificarse coas cancións. Josito Porto explora novos camiños musicais nunha conxunción perfecta entre a interpretación e a música. A Banda da Subsistencia está formada por Josito Porto, Sabela Dacal, Rafa Otero e Adrián Ríos. O disco xa está dispoñible nas plataformas dixitais e nas tendas físicas. A presentación oficial do disco é na Casa das Crechas de Compostela o 13 de xaneiro.

Podcast Diario Cultural das 10:30

Factoría de Subsistencia publica o seu novo disco ‘Respirando sempre’. O disco está formado por nove cancións, músicas atemporais que van máis alá das modas e que relatan a vida cotiá das persoas. A presentación oficial do disco será na Casa das Crechas de Compostela. Na sección de voces expertas, Emilio Españadero destaca os últimos traballos da Quenlla, Leilía e Tanxugueiras.

A fotógrafa Sara Priego expón “El barranco”

A fotógrafa Sara Priego expón ‘El barranco’ na Fundación Évame Oroza ata o 15 de xaneiro. É unha mostra de imaxes en pequeno formato coa que a artista propón unha exploración das emocións dende a intimidade da súa mirada. A exposición é un ensaio fotográfico sobre o dó, a tristeza, a soidade e as ausencias, pero tamén cunha ollada de esperanza e superación. Sara Priego retrata un proceso persoal que todas as persoas vense obrigadas a sufrir nalgún momento da súa vida. “O que eu relato nas frotografías é algo que todos vivimos”, explica a fotógrafa na entrevista no Diario Cultural.

Podcast Diario Cultural das 10:30

A fotógrafa Sara Priego expón ‘El Barranco’ na Fundación Évame Oroza de Vigo ata o 15 de xaneiro. A mostra de fotografías en pequeno formato é unha ollada a nós mesmos a través da dor, a soidade e as ausencias. Uns sentimentos que permiten ao espectador identificarse co traballo e emocionarse. Na sección de voces expertas, Afonso Becerra analiza a relación entre a construción do xénero e a danza en ‘O raro é que baixar sexa raro’, do colectivo Vacaburra.

‘Lecturas de coidado’, un encontro para ler en común

Belén Gopegui, Antón Lopo, María Sánchez e Uxue Alberdi son algúns dos escritores que participan en ‘Lecturas de coidado’, un encontro ao redor da lectura en común que se desenvolve en Santiago. Tamén participan profesionais da saúde mental, da medicina comunitaria, da arteterapia, da pedagoxía ou da intervención social. É unha proposta para ler en común, para empregar a lectura como ferramenta de transformación social nunha época de predominio da imaxe, da instantaneidade, da velocidade vertixinosa e de construción de sociedades cada vez máis individualistas. A lectura en común como ferramenta de cambio social.

Podcast Diario Cultural das 17:30

Belén Gopegui, Antón Lopo, María Sánchez e Uxue Alberdi son algúns dos escritores que participan en ‘Lecturas de coidado’, un encontro ao redor da lectura en común que se desenvolve en Santiago. Tamén participan profesionais da saúde mental, da medicina comunitaria, da arteterapia, da pedagoxía ou da intervención social. Na sección de voces expertas, Tito Lesende avanza as dúas tendencias de 2024: a música pop con influencia das tradición e o paulatino regreso da música das guitarras eléctricas.

Iria Pinheiro e Mónica de Nut presentan Kennebec

As artistas Iria Pinheiro e Mónica de Nut teñen novo espectáculo poético musical para este 2024. Kennebec é un proxecto innovador de música experimental e electrónica. O espectáculo racha cos estereotipos na música e explora os límites da palabra e das obras creativas. No Diario Cultural entrevistamos as autoras e descubrimos os segredos que hai detrás deste novo proxecto.

Podcast Diario Cultural das 10:30

As artistas Iria Pinheiro e Mónica de Nut teñen novo espectáculo poético musical para este 2024. Kennebec é un proxecto innovador de música experimental e electrónica. Na sección de voces expertas, Moncho Lemos comenta as dúas últimas estreas de cine: ‘Los que se quedan’ e ‘Yo capitán’.

Pin It on Pinterest