Emilio Españadero tráenos hoxe a música de Miguel Ramalleira, gaiteiro madrileño con devanceiros de Foz, que este domingo presenta en Lume na Palleira o seu primeiro disco. Ademais, avánzanos dous dos proxectos galegos que estarán presentes no festival de Lorient este mes de agosto: Caamaño & Ameixeiras e mais Fiandola.

Escoitamos conEmilio Españadero e música dos Carunchos e a colaboración de Tanxugueiras con Rayden, outro dos participantes no Benidorm Fest. Anunciamos a actuación da compañía de danza de Fran Sieira e o concerto de Xisco Feijóo na sala Capitol de Santiago con Tanxugueiras entre as convidadas.

Emilio Españadero escolma para a súa sesión de hoxe catro estreas: o novo videoclip da canción ‘O lenzo do silencio’ de Zoelas, a mediometraxe musical de Sangre de Muérdago, o libro que explicará a historia do grupo Xorima e o novo disco d´Os d´abaixo, do que a banda falará este domingo no Lume na palleira de Radio Galega Música.

Emilio Españadero tráenos as novidades do folk, comezando polas pezas compiladas en Do teu laranxal por Alberto Lago, polo novo traballo do gaiteiro asturiano Rubén Albo, Resiliencia, e a novidade de Eva Tejedor con Les Pandereteres.