Todas as colaboracións

Túa e Criatures, dúas propostas máis alá de Galicia

Ofrecemos hoxe, en primeiro lugar, dúas propostas musicais chegadas de fóra de Galicia: a dos murcianos Túa e a dos cataláns Criatures.

Tamén e como adianto dos contidos do Lume Na Palleira do vindeiro domingo escoitamos ás Leilía, que virán festexar connosco o seu trinta aniversario e a presentarnos a súa xira de celebración.

Tres propostas musicais: Maghúa, Ultreia e Tres Pesos

Repasamos hoxe as tres propostas musicais que participarán, esta semana, nun novo Serán en Compostela. Os protagonistas nesta ocasión serán: Maghúa, Ultreia e Tres Pesos.

Por último e como adianto dos contidos do Lume Na Palleira do vindeiro domingo escoitamos a música de Caldo, que nos presentarán o seu primeiro traballo discográfico.

Escoitamos o novo traballo de Xose Lois Romero & Aliboria

Escoitamos hoxe un adianto do que será o segundo disco de Xose Lois Romero & Aliboria e unha mostra do traballo discográfico recén publicado por Caldo, unha nova formación que se suma ao amplo abano de ofertas da música folk en Galicia.

A continuación centrámonos nos grupos que participarán o vindeiro domingo na Festa do Queixo en Arzúa. Primeiro Xabier Díaz & Adufeiras De Salitre e despois Sés serán os protagonistas desa xornada de peche da festa. Uns concertos que Lume Na Palleira ofrecerá completos a través de Radio Galega Música.

Escoitamos as Pandereteiras de Verducido e o trío Obal

Ofrecemos hoxe adiantos en primicia dos sons de dous grupos galegos, as Pandereteiras de Verducido e o trío Obal, e o dunha formación xurdida en Alemaña que tamén traballa coa música e a obra de grandes poetas do noso país: Sangre de Muérdago.

Ademais, adiantando os contidos do Lume na palleira do vindeiro domingo escoitamos o grupo Lirolai, que presentarán no programa o seu segundo disco De vila en vila.

Os vinte anos na música de Susana Seivane

Adiantando os contidos do Lume Na Palleira do vindeiro domingo, escoitamos ao grupo Pesdelán, que falarán no programa sobre o seu DVD “Entroidanzas”.

Tamén a gaiteira Susana Seivane é protagonista da colaboración de hoxe, xa que esta semana festexará o vinte aniversario da publicación do seu primeiro traballo discográfico cunha festa-concerto moi especial.

O grupo Tundra ofrece dous concertos en Ourense

Escoitamos hoxe a proposta musical do grupo Tundra que, desde Logroño, visitará Galicia esta semana para ofrecer dous concertos na provincia de Ourense.

Adiantamos tamén os contidos do Lume Na Palleira do vindeiro domingo, no que nos visitará o grupo Arume para presentar o seu primeiro traballo discográfico.

Por último estreamos un dos novos proxectos musicais de Ialma. Este grupo de cantareiras galegas (residentes en Bélxica) une o seu talento creativo ao doutros músicos europeos, entre os que destaca a fermosa voz da italiana Lucilla Galeazzi, nun disco titulado “Alegría E Libertá”.

As últimas novidades sobre o Festival de Ortigueira

Ofrecemos hoxe con Emilio Españadero unha mostra das formacións de fóra de Galicia que xa teñen confirmada a súa participación na edición deste ano do Festival Internacional do Mundo Celta de Ortigueira: Gwendal, Moving Hearts, Project Smok, Shooglenifty, Flook e Beltaine.

Que grupos están confirmados para o Festival de Ortigueira?

Nesta sección cultural con Emilio Españadero falamos das formacións galegas que xa teñen confirmada a súa participación na edición deste ano do Festival Internacional do Mundo Celta de Ortigueira.

Nesta edición contaremos coa Escola de Gaitas de Ortigueira, Anxo Lorenzo Band, A.C. O Fiadeiro, Tanxugueiras e Leilía.

Escoitamos novas composicións de Lirolai e Arume

Escoitamos hoxe unha mostra dos respectivos traballos que acaban de publicar os grupos Lirolai e Arume.

Ofrecemos ademais o segundo adianto de Fulgor, o que vai ser o novo disco de Xosé Manuel Budiño, que sairá á venda o venres 25 e que presentará en Lume Na Palleira o vindeiro domingo.

Trioprata publica o traballo ‘Son Da Maía’

En primeiro lugar a música de Trioprata, que veñen de publicar o Libro-CD ‘Son Da Maía’ e que serán protagonistas esta semana (entre outros) dun novo Serán en Compostela.

A continuación uns sons moi especiais, chegados desde Cataluña, dos que é responsable o tocador de banjo Lluís Gómez.

Por último, como adianto dos contidos do Lume Na Palleira do vindeiro domingo, a música de Cantares Do Brión que presentarán o seu segundo disco “A Raís”.

Pin It on Pinterest